Big boss Vasanthi Krishnan : బిగ్ బాస్ వాసంతి కృష్ణన్ ఎంగేజ్మెంట్… అర్జున్ కళ్యాణ్ పడేసాడు… పెళ్లి కొడుకు ఎవరంటే…: వాసంతి కృష్ణన్

Big boss Vasanthi Krishnan : మోడలింగ్ తో మొదలై, కన్నడ సినిమాలను చేసి మళ్ళీ తెలుగు సీరియల్స్ ద్వారా తెలుగు ప్రేక్షకులకు చేరువైన తెలుగమ్మాయి వాసంతి కృష్ణన్. తిరుపతికి చెందిన వాసంతి ప్లస్ టూ తరువాత డిగ్రీ కోసం బెంగళూరు వెళ్లి పైలట్ అవ్వాలని అనుకుంది. ఆ తరువాత యాక్టింగ్ కెరీర్ వైపు అడుగులేసి కన్నడ ఇండస్ట్రీలో అడుగుపెట్టింది. మోడలింగ్ చేస్తూ ఆ తరువాత సినిమాల్లో హీరోయిన్ గా కొన్ని కన్నడ సినిమాలు చేసిన వాసంతి తెలుగు ఇండస్ట్రీకి మా టీవీ ద్వారా అడుగుపెట్టింది. తెలుగులో సిరిసిరి మువ్వ, గుప్పెడంత మనసు సీరియల్స్ లో నటించి మంచి గుర్తింపు తెచ్చుకుంది. ఇక బిగ్ బాస్ సీజన్ 6లో కంటెస్టెంట్ గా అడుగుపెట్టిన వాసంతి బిగ్ బాస్ తరువాత లైఫ్ మారి పోయిందంటూ చెప్తోంది. త్వరలో తన పెళ్లి అని షాక్ ఇచ్చిన ఈ అమ్మడు నిజంగా పెళ్లి చేసుకుంటోందా లేక ప్రాంక్ చేస్తోందా…

ఎంగేజ్మెంట్ చేసుకుంటున్న వాసంతి… పెళ్లి త్వరలో…

బిగ్ బాస్ ద్వారా బాగా గుర్తింపు తెచ్చుకున్న వాసంతి ప్రస్తుతం అటు సినిమాల వైపు ఇటు బుల్లితెర మీద షోస్ తో సందడి చేస్తోంది. ప్రస్తుతం బిబి జోడితో సందడి చేస్తున్న ఈ ముద్దుగుమ్మ త్వరలో పెళ్లి చేసుకోబోతున్నా అంటూ ఒక యూట్యూబ్ ఛానెల్ కి ఇచ్చిన ఇంటర్వ్యూలో చెప్పి అందరికీ షాక్ ఇచ్చింది. అయితే మరి వరుడు ఎవరు, అపుడే పెళ్లి, అదీ ఎవరికీ చెప్పకుండా అని అడిగితే ఇదంతా ప్రాంక్ అంటూ చెప్పింది. తాను నటిస్తున్న సీరియల్ ‘ఔను వాళ్లిద్దరు ఇష్టపడుతున్నారు’ ప్రమోషన్స్ కోసం ఇలా ప్రాంక్ చేశానంటూ చెప్పి షాక్ ఇచ్చింది.

ఇక ఆ సీరియల్ కోసం పెళ్లి కూతురు గెటప్ లో ఉన్న వాసంతి ప్రస్తుతం కేరర్ గురించి మాత్రమే ఆలోచిస్తున్నానని, పెళ్లి గురించి ఇప్పుడే ఎలాంటి ఆలోచన లేదంటూ క్లారిటీ ఇచ్చింది. ఇక బిబి జోడిలో అర్జున్ కళ్యాణ్ తో డాన్స్ ప్రాక్టీస్ చేసేటపుడు చాలా సార్లు అర్జున్ పడేసాడంటూ చెప్పి మొదట్లో కొంత తడబడినా ఇప్పుడు డాన్స్ మాస్టర్ తో కనెక్ట్ అయి డాన్స్ బాగా చేస్తున్నాం అంటూ బిబి జోడి కి మంచి రేటింగ్స్ కూడా ఉన్నాయంటూ చెప్పింది. సీరియల్ ప్రొమోషన్స్ కోసం ప్రాంక్ చేసి అభిమానులకు షాక్ ఇచ్చింది మరి వాసంతి.