బాలీవుడ్ ఇండస్ట్రీ లో విషాదం.. బిగ్ బాస్ విజేత సిద్ధార్థ శుక్లా కన్నుమూత!

బాలీవుడ్ నటుడు హిందీ బిగ్ బాస్ సీజన్ 13 విజేత సిద్ధార్థ శుక్ల నేడు తీవ్రమైన గుండెపోటుతో మరణించారు. ఆయన మరణవార్త వినగానే బాలీవుడ్ ఇండస్ట్రీ ఒక్కసారిగా షాక్ కు గురైంది.బాలీవుడ్ ఇండస్ట్రీలో పలు సినిమాలు సీరియల్స్ లో నటించి మంచి గుర్తింపును సంపాదించుకున్న సిద్ధార్థ శుక్ల అకాల మరణం టాలీవుడ్ ఇండస్ట్రీకి తీరని లోటని చెప్పవచ్చు.

40 సంవత్సరాల వయసున్న సిద్ధార్థ శుక్ల గుండెపోటుతో మరణించడం బాలీవుడ్ ఇండస్ట్రీకి తీరని లోటు. బాలీవుడ్ ఇండస్ట్రీలో మంచి గుర్తింపును సంపాదించుకున్న సిద్ధార్థ హిందీ బిగ్ బాస్ సీజన్ 13 కంటెస్టెంట్ గా వెళ్లి విజేతగా నిలిచారు. బిగ్ బాస్ ద్వారా మరింత పాపులారిటీని సంపాదించుకున్న సిద్ధార్థ్ అకాల మరణం అందరినీ తీవ్ర దిగ్భ్రాంతికి గురి చేసింది.

సిద్ధార్థ నటించిన బాలికా వధూ,తెలుగులో వచ్చిన చిన్నారి పెళ్లికూతురు సీరియల్ ద్వారా ఎంతోమంది తెలుగు ప్రేక్షకాభిమానులను కూడా సంపాదించుకున్నారు.బిగ్ బాస్ ద్వారా మంచి గుర్తింపును సంపాదించుకున్న సిద్ధార్థ్ పలు వెబ్ సిరీస్ లో సినిమా అవకాశాలను అంది పుచ్చుకున్నారు. చివరిగా సిద్ధార్థ ‘బ్రోకెన్ బట్ బ్యూటిఫుల్ 3’ అగస్య పాత్రలో కనిపించారు.

ప్రస్తుతం పలు సినిమాలతో ఎంత బిజీగా ఉండి మంచి గుర్తింపును సంపాదించుకున్న సిద్ధార్థ్ మరణవార్త వినగానే ఇండస్ట్రీలో పలువురు ఆయన మృతి పట్ల సంతాపం ప్రకటించారు. ఎంతో ఆరోగ్యంగా, హుషారు గా కనిపించే సిద్ధార్థ ఈ విధంగా మృతి చెందడం ఆయన అభిమానులకు మింగుడు పడని విషయంగా మారింది. ఈ క్రమంలోనే అభిమానులు కూడా పెద్ద ఎత్తున ఆయన మృతికి సంతాపం తెలియజేస్తున్నారు.