బిగ్ బాస్ 5 కంటెస్టెంట్ ఆర్ జే కాజల్ ను దారుణంగా ట్రోల్ చేస్తున్న అభిజిత్ ఫ్యాన్స్.. ఎందుకంటే?

బిగ్ బాస్ సీజన్ 5 లోకి 17 వ కంటెస్టెంట్ గా గ్రాండ్ ఎంట్రీ ఇచ్చారు ఆర్. జే. కాజల్. ఈమె హౌస్ లోకి రాగానే ఎంతో ఎగ్జయిట్ అవుతూ హౌస్ మొత్తం కలియతిరుగుతూ ఎంతో సంబరపడ్డారు. హౌస్ లోకి ఎంట్రీ ఇచ్చిన మొదటి రోజే అందరి దగ్గరకు వెళ్లి వారి వ్యక్తిగత విషయాలను అడిగి తెలుసుకుంటూ ఎంతో చురుకుగా ప్రవర్తించారు. అయితే హౌస్ లోకి వెళ్ళినప్పటినుంచి ఆమె ప్రవర్తన గమనిస్తూ ఉన్న తోటి కంటెస్టెంట్ లు చాలా ఓవర్ చేస్తుందని భావించారు.

కాజల్ ఉద్దేశపూర్వకంగానే ఈ విధంగా ప్రవర్తిస్తుందని పలువురు అభిప్రాయపడ్డారు.తాజాగా మంగళవారం జరిగే ఎపిసోడ్ కి సంబంధించిన ప్రోమో విడుదల కావడంతో అందులో లహరితో గొడవ పడిన కాజల్ ఏడవడం చూసిన నెటిజన్లు పెద్ద ఎత్తున ఈమెపై ట్రోలింగ్ చేస్తున్నారు. హౌస్ లోకి ఎంట్రీ ఇచ్చినప్పుడు బిగ్ బాస్ తన కలల హౌస్ అంటూ డ్రీమ్ కార్ పట్టుకున్న ఈమె ఇప్పుడు చైల్డ్ కార్డు పట్టుకొని ఏడుస్తున్నారు అంటూ పలువురు కామెంట్లు చేస్తున్నారు.

ఈ క్రమంలోనే బిగ్ బాస్ సీజన్ 4 కంటెస్టెంట్ విన్నర్ గా నిలిచిన అభిజిత్ గురించి నెగిటివ్ గా మాట్లాడారు. అభిజిత్ పిఆర్ టీం పెట్టుకున్నాడని ఈమె మాట్లాడటంతో అభిజిత్ ఫాన్స్ కామెంట్లు పెడుతున్నారు. కాజల్ బిగ్ బాస్ హౌస్ లో ఒక వైరస్ లా వ్యవహరిస్తోందని, వీలైనంత తొందరగా ఆమెను హౌస్ నుంచి బయటకు పంపించడం ఎంతో మంచిదని అభిజిత్ ఫ్యాన్స్ కామెంట్లు పెడుతున్నారు.

ఈ క్రమంలోనే కాజల్ ఫ్యాన్స్ స్పందిస్తూ.. ఆమె ఎగ్జైట్మెంట్ ను అందరు తప్పుగా భావిస్తున్నారు, ఆమె ఆట చూసి మాట్లాడితే బాగుంటుంది అంటూ కాజల్ ఫ్యాన్స్ రిక్వెస్ట్ చేస్తున్నారు. హౌస్ లోకి వెళ్ళిన మొదటి రెండు రోజులకే కాజల్ ఈ విధమైనటువంటి నెగిటివిటీను సంపాదించుకోవడమే కాకుండా ఈ నెగిటివిటీ నుంచి ఎలా బయటపడతారో తెలియాల్సి ఉంది.