బిగ్ బాస్ హౌస్ లో కెప్టెన్ ఎవరనేది ముందుగానే చెప్పేసిన బిగ్ బాస్ నిర్వాహకులు.. ఎలా అంటే..

బిగ్ బాస్ రియల్టీ షోలో ముఖ్యంగా కెప్టెన్ ఎవరు అవుతారు.. ఇంటి నుంచి ఈ వారం ఎవరు బయటకు వెళ్తారు అనేది సస్పెన్స్ .టీవీ ముందు కూర్చున్న సగటు ప్రేక్షకుడు కూడా దీనిపై ఎంతో ఉత్కంఠగా ఎదురుచూస్తాడు. కానీ లీకు రాజాలా పుణ్యమా అని అది ముందుగానే తెలిసిపోతుంది. సీజన్ 4 లో కూడా ఇలానే బయటకు వచ్చాయి.

సీజన్ 5 లో ఇలాంటి లీకులు బయటకు రాకుండా చర్యలు తీసుకుంటామని చెప్పిన బిగ్ బాస్ నిర్వాహకులు వాటిపై అంత శ్రద్ధ పెట్టలేదని తెలిసిపోతుంది. మొదటి వారం సరయు, రెండో వారం ఉమాదేవి బయటకు వచ్చేస్తారన్న విషయాలు ముందుగానే సోషల్ మీడియాలో వైరల్ కాగా అందరికీ తెలిసిపోయింది.

అయితే మూడో వారం కెప్టెన్ గా జెస్సీ అవుతాడనే విషయాన్ని ఈ సారి లీకుల ద్వారా తెలియలేదు.. కానీ బిగ్ బాసే చెప్పేశాడు. అది డైరెక్ట్ గా కాకుండా ఇన్ డైరెక్ట్ గా చెప్పేశాడు. ఎలా అంటే.. ఈ వారం ఎవరు కెప్టెన్‌ అయ్యారన్న విషయాన్ని ప్రోమో ద్వారా చెప్పకనే చెప్పేశాడు. బిగ్‌బాస్‌ కంటెస్టెంట్లు ఫస్ట్‌ లవ్‌ గురించి చెప్తూ ఎమోషనల్‌ అయిన ప్రోమోలో మోడల్‌ జశ్వంత్‌ చేతికి కెప్టెన్సీ బాండ్‌ కనిపించింది.

దీంతో జెస్సీ ఈ వారం కెప్టెన్‌ అయ్యాడని స్పష్టమయింది. తీరా ఎపిసోడ్ చూసిన తర్వాత నిజంగానే కెప్టెన్ జశ్వంత్ అయ్యాడు. అంత పెద్ద విషయాన్ని బిగ్ బాస్ నిర్వాహకులు సింపుల్ గా ఇలా చెప్పారేంటీ అంటూ నెటిజన్లు సెటైర్ వేస్తున్నారు. జశ్వంత కెప్టెన్ అవ్వడంతో తనకు తాను ప్రూవ్ చేసుకున్నాడన్న అతడిపై ప్రశంసలు కురిపిస్తున్నారు నెటిజన్లు.