Bigg Boss 7: బిగ్ బాస్ 7 ప్రోమో విడుదల… ఈ సీజన్ హోస్ట్ ఎవరో తెలుసా?

Bigg Boss 7: బుల్లితెర ప్రేక్షకులను అమితంగా ఆకట్టుకున్నటువంటి రియాలిటీ షోలలో బిగ్ బాస్ కార్యక్రమం ఒకటి. బిగ్ బాస్ కార్యక్రమం అన్ని భాషలలో ఎంతో విజయవంతంగా ప్రసారమవుతూ పెద్ద ఎత్తున ప్రేక్షకులను సందడి చేస్తుంది. అయితే తెలుగులో కూడా ఇప్పటివరకు 6 సీజన్లను పూర్తి చేసుకున్నటువంటి ఈ కార్యక్రమం ఏడవ సీజన్ ప్రసారానికి సిద్ధమవుతుంది.

ఎలాంటి హింట్ లేకుండా తాజాగా బిగ్ బాస్ నిర్వాహకులు బిగ్ బాస్ సీజన్ 7 కి సంబంధించిన ప్రోమో విడుదల చేయడంతో ఒక్కసారిగా ప్రేక్షకులు షాక్ అయ్యారు. ఇక ఈ కార్యక్రమానికి సంబంధించిన చిన్న ప్రోమో వీడియోను స్టార్ మా విడుదల చేసింది. దీనితో త్వరలోనే ఈ కార్యక్రమం ప్రేక్షకుల ముందుకు రాబోతుందని భావిస్తున్నారు.అయితే ఇప్పటికే ఈ కార్యక్రమానికి సంబంధించి కంటెస్టెంట్లు ఎంపిక ప్రక్రియ కూడా పూర్తి అయిందని తెలుస్తుంది.

గతంలో మాదిరి కాకుండా ఈసారి అందరూ మంచి పేరు ఫ్యాన్ ఫాలోయింగ్ ఉన్న సెలబ్రిటీలను ఆహ్వానించి ఈ కార్యక్రమం మరింత ఎంటర్టైన్ చేసేలా ఉండాలని అన్ని ఏర్పాట్లు చేశారట. ఈ కార్యక్రమానికి సంబంధించిన ప్రోమో విడుదల కావడంతో ఈ కార్యక్రమానికి హోస్టుగా ఎవరు వ్యవహరించబోతున్నారనే వార్త కూడా ప్రస్తుతం వైరల్ గా మారింది. మొదటి సీజన్ కి ఎన్టీఆర్ రెండవ సీజన్ కు నాని వ్యాఖ్యాతగా వ్యవహరించారు.

Bigg Boss 7: హోస్ట్ గా స్టార్ హీరో…

అనంతరం మిగిలిన సీజన్లకు నాగార్జున హోస్ట్ గా వ్యవహరించారు.అయితే నాగార్జున హోస్ట్ గా ఉండటంతో కంటెస్టెంట్లకు సీరియస్ నెస్ లేదని అందుకే ఈసారి హోస్ట్ ను మార్చాలని పలువురు భావిస్తున్నారు. అయితే ఈసారి మరొక స్టార్ హీరో ఈ కార్యక్రమానికి హోస్ట్ గా వ్యవహరించబోతున్నారని తెలుస్తోంది. మరి ఆ హీరో ఎవరు అనేది త్వరలోనే తెలియనుంది.