షన్ను జోలికి వస్తే బాగోదు.. వార్నింగ్ ఇచ్చిన లోబో.. వైరల్ వీడియో!

బిగ్ బాస్ తెలుగు సీజన్ 5 లో 19 మంది కంటెస్టెంట్లలో ఒకరు లోబో. హౌస్ లో తనదైన కామెడీతో అందరినీ నవ్విస్తూ.. ఎంటర్టైనర్ ఆఫ్ ది హౌస్ గా గుర్తింపు తెచ్చుకున్నాడు. అయితే హౌస్ లో ఉండాలంటే.. ఒక్క ఎంటర్ టైన్ మెంట్ ఒక్కటే కాదు.. గేమ్ లు కూడా ఆడాలని ప్రేక్షకుల ఫీలింగ్. అందుకే అతడు తొందరగా బయటకు వచ్చేశాడు.

అప్పటికే లోబోకు బిగ్ బాస్ ఒక ఛాన్స్ ఇచ్చి చూద్దామని.. సీక్రెట్ రూంకి పంపించాడు. తర్వాత హౌస్ లోకి వచ్చిన తర్వాత కూడా అలానే ప్రవర్తించాడు. అతడి గేమ్ లో ఎలాంటి మార్పు రాలేదు. దీంతో ఆ తర్వాత వారం ఎలిమినేట్ అయ్యాడు. ఎలిమినేట్ అయిన తర్వాత లోబో రవికి సపోర్ట్ చేసిన విషయం తెలిసిందే. ఆ తర్వాత రవి కూడా హౌస్ నుంచి బయటకు వచ్చాడు.

అతడి ఎలిమినేషన్ ఫేక్ అని కూడా తన అభిమానులు నిరసనలు వ్యక్తం చేశారు. అయితే రవి రీ ఎంట్రీ ఉంటుందని వార్తలు వస్తున్నాయి కానీ.. అందులో నిజం లేదని తెలుస్తోంది. ఒకానొక సమయంలో లోబో కూడా అతడిని అన్యాయంగా బయటకు పంపించారని కూడా విలేకరులకు చెప్పాడు. ఇక ప్రస్తుతం లోబో హౌస్ లో ఉన్న షణ్ముఖ్ కు మద్ధతుగా నిలుస్తున్నాడు.

హౌస్ లో ఉన్న ప్రతీ ఒక్కరితో తాను కనెక్ట్ అయ్యానని.. అందులో ఎక్కువగా షణ్ముఖ్ తో కనెక్ట్ అయ్యానని చెప్పుకొస్తున్నాడు లోబో. ఎవరు ఎంత బాగా ఆడుతున్నారు? ఎవరు బాగా ఆడట్లేదు? అనేది పక్కనపెడితే షణ్ను తన ఫ్రెండ్‌ అని, అతడి జోలికొస్తే బాగోదని హెచ్చరించాడు. తన ఫ్యాన్స్ ఎవరైనా ఉంటే.. షణ్ముఖ్ కు సపోర్ట్ చేయండంటూ.. అతడికి ఓట్లు వేయండంటూ వీడియోను సోషల్ మీడియాలో పోస్టు చేశాడు. ప్రస్తుతం లోబో వీడియో వైరల్ గా మారింది.