Amar Deep: గొప్ప మనసు చాటుకున్న బిగ్ బాస్ రన్నర్ అమర్ దీప్… వారందరికీ సహాయం!

Amar Deep:బిగ్ బాస్ సీజన్ సెవెన్ రన్నర్ గా గెలుపు సాధించినటువంటి అమర్ పట్ల పల్లవి ప్రశాంత్ అభిమానులు చాలా దారుణంగా ప్రవర్తించారు. ఈయన తన భార్య తల్లితో కలిసి ప్రయాణిస్తున్నటువంటి కారుపై రాళ్ల దాడి చేశారు. అయితే ఈ దాడి పట్ల అమర్ మాట్లాడుతూ నేనొక్కడే ఉన్నప్పుడు ఎలాంటివి చేసిన నేను భరిస్తాను కానీ పక్కనే మన ఫ్యామిలీతో ఉన్నప్పుడు మాత్రం దయచేసి ఎవరూ కూడా ఇలాంటివి చేయకండి ప్రాణాలు పోతే తిరిగి తెచ్చుకోలేము అంటూ స్పందించారు.

ఇక ఈయన బిగ్ బాస్ గెలిచిన తర్వాత తన సొంత పట్టణమైనటువంటి అనంతపురానికి తన తల్లి భార్యతో కలిసి వెళ్లారు. అక్కడ అభిమానులను కలిసినటువంటి ఈయన సేవా కార్యక్రమాలలో కూడా పాల్గొన్నారు. దుప్పట్లు దుస్తులు వారి అవసరాలకు సంబంధించినటువంటి అన్ని వస్తువులను అందజేశారు. అదేవిధంగా ఆ చిన్నారులతో కలిసి కేక్ కట్ చేసి సంబరాలు చేసుకున్నారు.

ఈ కార్యక్రమంలో అమర్ తో పాటు ఆయన భార్య తేజస్విని అలాగే తల్లి కూడా ఉన్నారు. ఇలా పిల్లలతో కలిసి తమ ఆనందాన్ని వీరు పంచుకున్నారు అదేవిధంగా వారందరికీ అమర్ కుటుంబం స్వయంగా భోజనాలు పెట్టి వారి కడుపు నింపారు. ఇక అనంతరం అమర్ మాట్లాడుతూ నాకు దేవుడు ఇచ్చిన శక్తి మేరకు నేను అందరికీ సహాయం చేస్తానని మీరందరి తోడు సహాయం నాకు కావాలి అంటూ ఈయన తెలిపారు.

మంచి మనసు చాటుకున్న అమర్..

ఇలా అమర్ బిగ్ బాస్ హౌస్ లో ఉన్నప్పుడు ఎలాంటి మాస్క్ లేకుండా చాలా జెన్యూన్ గా గేమ్ ఆడారు. ఆయనకు తోచినదే చెప్పారు. ఇలా అమర్ మాట తీరు వ్యవహార శైలి కారణంగా చాలామంది ఈయనపై ట్రోల్స్ కూడా చేశారు కానీ ఆయన చాలా జెన్యూన్ గా ఆడారు అనే విషయం తెలియడంతో ఈయనని అభిమానించే వారి సంఖ్య కూడా పెరిగిపోయింది. దీంతో టైటిల్ రేస్ వరకు అమర్ చేరుకున్నారు. చివరికి రన్నర్ గా మాత్రమే మిగిలారు..