Bimbisara Movie: బింబిసార ఈవెంట్‌లో అభిమాని మృతి.. అసలేం జరిగిందంటే?

Bimbisara Movie: చాలా సంవత్సరాలు తర్వాత నందమూరి కళ్యాణ్ రామ్ హీరోగా ఎంతో ప్రతిష్టాత్మకంగా తన కెరియర్ లోనే అత్యంత భారీ బడ్జెట్ చిత్రంగా ప్రేక్షకుల ముందుకు రాబోతున్న సినిమా బింబిసార. ఈ సినిమా ఆగస్టు 5వ తేదీ ప్రేక్షకుల ముందుకు రాబోతోంది.

ఈ క్రమంలోనే ఈ సినిమా విడుదల తేదీ దగ్గర పడటంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా చిత్ర బృందం ఫ్రీ రిలీజ్ వేడుకను శుక్రవారం సాయంత్రం శిల్పారామంలో ఎంతో ఘనంగా నిర్వహించారు. ఇక ఈ కార్యక్రమానికి ముఖ్యఅతిథిగా ఎన్టీఆర్ రావడంతో పెద్ద ఎత్తున ఎన్టీఆర్ అభిమానులు కూడా ఇక్కడికి చేరుకున్నారు.

ఇకపోతే ఈ కార్యక్రమం పశ్చిమగోదావరి జిల్లా పెంటపాడు మండలానికి చెందిన సాయి రామ్ అనే అభిమాని హైదరాబాదులో సాఫ్ట్వేర్ ఇంజనీర్ గా పని చేస్తున్నారు. ఈ క్రమంలోనే ఈయన కూడా ఈ ఫ్రీ రిలీజ్ వేడుకకు హాజరయ్యారు.ఇక వేదికపై ఎన్టీఆర్ స్పీచ్ ఇస్తున్న నేపథ్యంలో ఒక్కసారిగా సాయిరామ్ కుప్పకూలిపోయారు.

అభిమాని కుటుంబాన్ని ఆదుకున్న చిత్ర బృందం..

ఈ విధంగా ఆయనకు ఫిట్స్ రావడంతోనే పడిపోయారని భావించిన తోటి అభిమానులు వెంటనే అతనిని హుటాహుటిన ఆసుపత్రికి తరలించారు. అయితే అప్పటికే సాయిరామ్ మృతి చెందారు.ఇలా ఫ్రీ రిలీజ్ వేడుకలో ఎన్టీఆర్ అభిమాని మృతి చెందడంతో చిత్ర బృందం ఈ వార్తపై స్పందించి తీవ్ర దిగ్భ్రాంతి వ్యక్తం చేశారు.ఆయన ఆత్మకు శాంతి కలగాలని తన కుటుంబానికి ప్రగాఢ సానుభూతి తెలియజేయడమే కాకుండా ఎలాంటి సమయంలోనైనా తన కుటుంబాన్ని ఆదుకుంటామని ఎన్టీఆర్ ఆర్ట్స్ అఫీషియల్ ఖాతా ద్వారా సాయిరామ్ కు నివాళులు అర్పించారు.