Naga Chaitanya : తను హ్యాపీగా ఉంటే నేను హ్యాపీ.. విడాకులపై తొలిసారి నోరువిప్పిన నాగచైతన్య

Naga Chaitanya: టాలీవుడ్ ఇండస్ట్రీలో బ్యూటిఫుల్ కపుల్ గా పేరు సంపాదించుకున్న సమంత నాగచైతన్య గురించి ప్రత్యేకంగా చెప్పాల్సిన పనిలేదు. వీరిద్దరూ కొన్ని సంవత్సరాల పాటు ప్రేమించుకున్న అనంతరం పెద్దల సమక్షంలో పెళ్లి చేసుకున్నారు.ఇలా నాలుగు సంవత్సరాల పాటు వీరి వైవాహిక జీవితంలో ఎంతో సంతోషంగా గడిపినప్పటికీ కొన్ని మనస్పర్థల కారణంగా విడాకులు తీసుకోబోతున్నట్లు ప్రకటించారు.

అక్టోబర్ 2వ తేదీ వీరి విడాకుల ప్రకటనను అధికారకంగా తెలియజేశారు. ఇలా వీరిద్దరూ విడాకులు గురించి తెలియజేయడంతో ఎంతోమంది అభిమానులు షాక్ అయ్యారు. ఇకపోతే విడాకుల ప్రకటన తర్వాత సమంత తన మనసులో ఉన్న భావాలను సోషల్ మీడియా ద్వారా వ్యక్త పరిచారు. కానీ విడాకుల విషయంపై నాగచైతన్య ఇప్పటివరకు స్పందించక పోవడం గమనార్హం.

ఈ క్రమంలోనే నాగచైతన్య తన దృష్టి మొత్తం తన కెరియర్ పై పెట్టినట్లు తెలుస్తోంది.ఇలా వరుస సినిమాల్లో నటిస్తూ ఎంతో బిజీగా ఉన్న నాగచైతన్య తాజాగా తన విడాకుల విషయం పై స్పందించారు. ఈ క్రమంలోనే విడాకుల ప్రకటన తర్వాత సమంత గురించి చైతన్య సంచలన వ్యాఖ్యలు చేశారు.

Naga Chaitanya : ఈ పరిస్థితులలో ఇది మంచి నిర్ణయం..

ఈ సందర్భంగా నాగ చైతన్య వారి విడాకుల విషయం గురించి స్పందిస్తూ… ఈ నిర్ణయం మా ఇద్దరి మంచి కోసమే తీసుకున్న నిర్ణయం. ఈ నిర్ణయం తర్వాత సమంత సంతోషంగా ఉంది.. నేను కూడా సంతోషంగా ఉన్నాను. ఇలాంటి పరిస్థితులలో ఇది ఇద్దరికీ మంచి నిర్ణయం అనిపించింది అంటూ చైతన్య సమంతతో విడాకుల గురించి మాట్లాడారు.