Chandrika Ravi : మా బావ మనోభావాలు దెబ్బతిన్నాయి.. పాటలు చేస్తున్న సమయంలో వెన్ను నొప్పి వస్తే.. బాలయ్య అలా అన్నారు…: చంద్రిక రవి

Chandrika Ravi : తమిళ, మలయాళ తల్లిదండ్రులకు పుట్టిన చంద్రిక రవి ఆస్ట్రేలియాలో పుట్టి పెరిగింది. మోడల్ గా పదహారేళ్ళకే అడుగుపెట్టిన చంద్రిక రవి ఆ తరువాత లాస్ ఏంజెల్స్ లో యాక్టింగ్ కోర్స్ పూర్తి చేసి సినిమాల్లోకి రావాలనే కోరికతో సౌత్ ఇండస్ట్రీ వైపు వచ్చారు. ముఖ్యంగా తమిళ సినిమాలను చేసిన చంద్రిక తెలుగులో వీర సింహా రెడ్డి లో ఐటమ్ సాంగ్ తో ఎంట్రీ ఇచ్చింది. బాలయ్యతో స్టెప్పులేసి అదరగొట్టిన ముద్దుగుమ్మ ఆ సినిమా విశేషాలను తెలిపారు.

వెన్ను నొప్పికి ఇబ్బంది పడ్డాను…

వీర సింహా రెడ్డి సినిమాలో ‘మా బావ మనోభావాలు దెబ్బతిన్నాయి’ అనే ఐటమ్ సాంగ్ లిరికల్ వీడియో యూట్యూబ్ లో విడుదల అయినప్పటి నుండి బాగా వైరల్ అవుతోంది. ఇక పాటలో బాలయ్య మాస్ స్టెప్స్ తోడుగా ఇద్దరు హీరోయిన్లు ఆకట్టుకున్నారు. ఇక అందులో ఒక హీరోయిన్ గా చేసిన చంద్రిక రవి మాట్లాడుతూ బాలయ్య బాబుతో చేయడం చాలా బాగుందంటూ ఆయన స్టెప్స్ కి మ్యాచ్ అయ్యేలా చేయడానికి కష్టపడ్డానంటూ తెలిపారు.

అయితే ఐదు రోజుల షూటింగులో మొదటి మూడు రోజులు కొంచెం పెయిన్ వచ్చినా పట్టించుకోకుండా డాన్స్ వేసాను నాలుగో రోజు చూస్తే వెన్ను నొప్పి ఎక్కువైంది. అప్పటికే షూటింగ్ సగం అవ్వడం నా వల్ల షూటింగ్ లేట్ అవుతుందేమో అని బాగా భయపడ్డాను. ఇలాంటి ఒక మంచి ఆఫర్ కోసం ఎదురుచూసిన నేను ఇలా నొప్పి కారణంగా ఆగిపోకూడదు అనుకున్నాను అంటూ తెలిపారు చంద్రిక రవి. ఇక నొప్ప కారణంగా ఇబ్బంది పడినప్పుడు గోపీచంద్ అలానే డాన్స్ మాస్టర్, శేఖర్ ఖమ్ముల, బాలయ్య బాబు కి సారీ చెప్పారట. అయితే వాళ్ళు ముందు రెస్ట్ తీసుకో అంటూ చెప్పారు అంటూ ఆ పాట సంగతులు తెలిపారు.