పామును పక్కలో పెట్టుకుని నిద్రపోయాడు.. అసలు నిజం తెలియగానే?

సాధారణంగా జంతువులను పెంచుకోవాలని ప్రతి ఒక్కరికీ ఎంతో ఆశ ఉంటుంది. ఈ క్రమంలోనే చాలామంది వారికిష్టమైన కుక్కలు పిల్లలను పెంచుకోవడానికి ఇష్ట పడుతుంటారు. ఎవరు కూడా ప్రాణాలకు హాని కలిగించే జంతువులను పెంచుకోవడానికి ఇష్టపడరు. కానీ ఓ వ్యక్తి మాత్రం పామును తన పెంపుడు జంతువుగా పెంచుకోవాలని భావించాడు. ఈ క్రమంలోనే ఆన్లైన్లో పామును తెచ్చుకొని ఇంట్లో పాలు పోసి పెంచుతున్నాడు. పామును ఎంతగా పెంచిన ఏదో ఒకరోజు దాని స్వభావం బయట పెడుతుంది. ఈ విధంగానే ఒకరోజు ఆ వ్యక్తి పామును పక్కలో పడుకో బెట్టుకున్నాడు… ఉదయానికి ఆస్పత్రి పాలయ్యాడు. ఇంతకీ ఏం జరిగిందంటే…

ఈశాన్య చైనాలోని హీలాంగ్జియాంగ్ ప్రావీన్స్‌లో నివసిస్తున్న లియు అనే వ్యక్తి ఇటీవల ఒక మీటరు పొడవుండే విషం తీసేసిన నాగుపామును ఆన్‌లైన్‌లో కొనుగోలు చేశాడు. రోజు ఆ పాముని ఎంతో ముద్దు చేస్తూ పాముకు పాలు పోసి చూసుకునేవాడు. ఈ క్రమంలోనే ఒకరోజు రాత్రి పామును తన పక్కనే పడుకోబెట్టకున్నాడు. నిద్రమత్తులో ఆ వ్యక్తి పామును ఏం చేసాడో ఏమో కాని అతని తొడపై రెండు కాట్లు పడ్డాయి.

ఈ విధంగా పాము కాటు వేయడంతో ఎందుకైనా మంచిదని ఆ వ్యక్తి ఆన్లైన్ ద్వారా కొనుగోలు చేసిన వ్యక్తి కి ఫోన్ చేశాడు. ఈ విధంగా ఆ వ్యక్తికి ఫోన్ చేయడంతో పొరపాటున విషం తీయని పామును ఇచ్చానని చావు కబురు చల్లగా తెలిపాడు. ఈ విషయం విన్న లియు గుండె జారినంత పనైంది. వెంటనే హస్పిటల్‌కు పరుగులు పెట్టాడు.

సరైన సమయంలో స్పందించి వెంటనే ఆస్పత్రికి చేరుకోవడంతో లియు ప్రాణాలతో బయటపడ్డాడు. అతడు పెంచుకుంటున్న పాము ఎంతో విషపూరితమైనదని ఏ మాత్రం ఆలస్యం చేసిన అతడి కాలు పూర్తిగా తీసేయాల్సిన పరిస్థితి ఉండేదని వైద్యులు తెలిపారు. ఈ ఘటన ద్వారా నిజం గ్రహించిన లియు ఇకపై ఎప్పుడు పెంపుడు జంతువులను పెంచుకోనని తెలిపాడు.