రైతు ఐడియా.. మంచంపై పడుకొనే పొలం పనులు?

సాధారణంగా మనం పొలం పనికి వెళ్ళినప్పుడు ఎంతో కష్టపడాల్సి ఉంటుంది. పొలంలో ఏదైనా పంటను వేయాలన్న లేదా కలుపు తీయాలన్న, పండిన పంటను కోయాలన్న నిరంతరం వంగి, కూర్చొని, నిలబడి పనులు చేయడం చేస్తుంటాము. ఈ విధంగా ఉదయం నుంచి సాయంత్రం దాకా ఇలాగే పని చేయాలంటే ఎంతో ఇబ్బందికరంగా ఉంటుంది. ఈ విధమైనటువంటి కష్టమైన పని చేయలేని ఓ రైతుకు కత్తిలాంటి ఆలోచన తట్టింది.

తన పొలంలో ఏ మాత్రం కష్ట పడకుండా ఎంచక్కా పడుకొని వ్యవసాయం చేసుకోవాలనే ఆలోచన తట్టింది.ఆలోచన రావడమే ఆలస్యం వెంటనే ఆచరణలో పెట్టి అందరిని ఆశ్చర్య పరిచాడు. ఇంతకీ ఆ రైతుకు వచ్చిన ఆలోచన ఏమిటంటే… వంగి తోట పనులు చేయాలంటే ఎంతో కష్టం కనుక పడుకొని పనులు చేయాలని భావించాడు. ఈ క్రమంలోనే తన మంచానికి నాలుగు వైపుల నాలుగు చక్రాలను బిగించి తన ఆలోచనను ఆచరణలో పెట్టాడు.

రైతు పడుకునేటటువంటి మంచానికి నాలుగు వైపుల నాలుగు చక్రాలను అమర్చి ఆ మంచాన్ని పొలంలోకి తీసుకువెళ్ళాడు. ఆ మంచంపై బోర్లా పడుకొని పొలంలో ఎంతో సులభంగా పనులు చేసుకోగలుగుతున్నాడు.ఈ విధంగా ఈ రైతు చేసిన పనిని చూసి సదరు రైతులు ఎంతో ఆశ్చర్యం వ్యక్తం చేస్తున్నారు.ప్రస్తుతం ఈ రైతు చేస్తున్న వ్యవసాయ పనులకు సంబంధించిన ఓ వీడియో సోషల్ మీడియాలో వైరల్ గా మారింది. ఈ క్రమంలోనే ఎంతో మంది నెటిజన్లు అతనికి వచ్చిన ఐడియా పై పలు రకాలుగా స్పందించి కామెంట్లు చేస్తున్నారు. ఇంకెందుకు ఆలస్యం ఈ వీడియో పై మీరు ఓ లుక్కేసి ఈ విధంగా ట్రై చేయండి.