హైదరాబాద్ అమ్మాయితో ప్రేమలో పడ్డ అడవి శేష్.. అమ్మాయి ఎవరో తెలుసా..?

టాలీవుడ్ ఫిల్మ్ ఇండస్ట్రీలో క్యారెక్టర్ ఆర్టిస్టుగా, విలన్ గా పలు సినిమాల్లో నటించిన అడవి శేష్.. ఆ తర్వాత హీరోగా మారి ఇండ్రస్టీ లో తనకంటూ ప్రత్యేకమైన గుర్తింపు తెచ్చుకున్నాడు. మూస పద్ధతిలో ఉండే సినిమాలకు ఆమడ దూరంలో ఉండే హీరో అడివి శేష్‌. తానూ చేసే ప్రతి కథలో వైవిద్యం కోరుకునే ఈ హీరో తన కెరీర్‌లో సొంతం చేసుకున్న విజయాల సంఖ్య తక్కువగా ఉన్నా.. యూత్‌లో మాత్రం మంచి ఫాలోయింగ్‌ను తెచ్చిపెట్టాయి. వైవిధ్యభరితమైన చిత్రాలకు తన టాలెంటెడ్‌ జోడించి సక్సెస్ అందుకుటున్న ఈ హీరో ప్రస్తుతం ‘మేజర్‌’, ‘హిట్‌ 2’ సినిమాలలో నటిస్తున్నాడు.. అయితే తాజాగా ఈ కుర్ర హీరో ప్రేమలో పడినట్లు వార్తలు గుప్పుమంటున్నాయి.

తాజగా ఒక ఇంగ్లీష్ పత్రికకు ఇంటర్వ్యూ ఇచ్చిన అడవి శేష్ అందులో తానూ ఒక హైదరాబాదీ అమ్మాయిని ప్రేమిస్తున్నట్లు తెలిపాడు. కాకపోతే పెళ్లి చేసుకునే ఉద్దేశ్యం తనకు ఇప్పట్లో లేదని తేల్చిచెప్పాడు. ఆమె వివరాలు చెప్పేందుకు ఆమె అనుమతి తీసుకోలేదని, కాబట్టి తన గురించి చెప్పడానికి కుదరదని తెలిపాడు.. దీంతో అడివి శేష్‌ అభిమానులు ఎప్పుడు పరిచయం చేస్తాడా అని తెగ ఆతృతగా ఎదురు చూస్తున్నారు.

ప్రస్తుతం మేజర్ సినిమాలో అడవి శేష్ నటిస్తున్నాడు. GMB బ్యానర్ పై సూపర్ స్టార్ మహేష్ బాబు భారీ బడ్జెట్ తో ఈ సినిమాను నిర్మిస్తున్నారు. ఇప్పటికే ఈ చిత్ర టీజర్ విడుదలై ఆడియన్స్ లో మంచి రెస్పాన్స్ ని అందుకుంది.ఆగస్టు లో ఈ సినిమాను విడుదల చేయాలని ప్లాన్ చేస్తున్నారు మేకర్స్…!!