Mahesh Babu: ఫుడ్డు పడదని చెబితే మహేష్ ఆ మాట అన్నారు…మహేష్ పై నటుడు చిన్న కామెంట్స్!

Mahesh Babu: మహేష్ బాబు నేడు పుట్టినరోజు వేడుకలు జరుపుకుంటున్న తరుణంలో పెద్ద ఎత్తున అభిమానులు సెలబ్రిటీలు ఈయనకు పుట్టినరోజు వేడుకలను తెలియజేస్తున్నారు. ఈ క్రమంలోనే మహేష్ బాబు పుట్టినరోజు సందర్భంగా ఆయన కెరియర్లో ఎవర్గ్రీన్ హిట్ సినిమా అయినటువంటి మురారి సినిమాని తిరిగి ప్రేక్షకుల ముందుకు తీసుకువచ్చారు.

ప్రస్తుతం ఈ సినిమా ప్రేక్షకులను థియేటర్లలో సందడి చేస్తోంది. ఇదిలా ఉండగా ఈ సినిమా తిరిగి విడుదల కానున్న నేపథ్యంలో ఎంతోమంది ఈ సినిమాలో నటించిన నటీనటులు ఇంటర్వ్యూలకు హాజరవుతూ మురారి సినిమా విశేషాలను అభిమానులతో పంచుకుంటున్నారు. ఇందులో భాగంగా నటుడు చిన్నా సైతం ఒక ఇంటర్వ్యూలో పాల్గొన్నారు.

ఈ ఇంటర్వ్యూ సందర్భంగా ఈయన మహేష్ బాబు మంచితనం గురించి తెలియజేసిన కామెంట్స్ ప్రస్తుతం వైరల్ అవుతున్నాయి. ఈ సినిమా షూటింగ్లో భాగంగా మేము రామచంద్రపురం అనే ఊరిలో షూటింగ్ చేయాల్సి ఉంటుంది. అయితే నాకు ప్రొడక్షన్ వారు పెట్టే ఫుడ్ ఏ మాత్రం పడలేదు తద్వారా ఎంతో ఇబ్బంది ఎదుర్కొన్నాను. అవుట్ డోర్ షూటింగ్ కావడంతో ఇంటి నుంచి క్యారేజ్ రావడానికి కూడా వీలు లేదు.

చాలా మంచిగా చూసుకున్నారు..
ఇక మహేష్ బాబుకి మాత్రం ప్రొడ్యూసర్ చెల్లి ఇంటి నుంచి క్యారేజ్ వచ్చేది. నేను వెళ్లి నాకు ఈ ఫుడ్ పడలేదని నా సమస్యను మహేష్ బాబుకి చెప్పాను. వెంటనే ఆయన తన కోసం వచ్చే క్యారేజ్లో తినమని చెప్పారు. కొన్నిసార్లు షూటింగ్ వల్ల మహేష్ బాబు తినడం ఆలస్యమైతే మీరు వెళ్లి భోజనం చెయ్యండి అని నాకు చెప్పేవారు. అక్కడ షూటింగ్ చేసినన్ని రోజులు మహేష్ నన్ను చాలా బాగా చూసుకున్నారంటూ చిన్నా చేసిన ఈ కామెంట్స్ పట్ల మహేష్ ఫ్యాన్స్ ఎంతో సంతోషం వ్యక్తం చేస్తున్నారు.