Chiranjeevi : సురేఖ తో పెళ్లి చూపులు… ఊ అనాలా… ఊ ఊ అనాలా అని ఆలోచించా… సురేఖ చేసిన పనికి ఊ అనేసాను : మెగాస్టార్ చిరంజీవి

Chiranjeevi : మెగాస్టార్ చిరు ఇంట్రడక్షన్ అవసరం లేని పేరు. ఆయన కష్టపడి ఒక్కో మెట్టెక్కి పైకి వచ్చి కిందున్న ఎంతో మందికి ఆదర్శంగా నిలబడ్డారు. ఇపుడున్న వర్ధమాన నటులు ఎంతోమందికి ఆయనే స్ఫూర్తి. ఆయనకు ఎంతోమంది ఏకలవ్య శిష్యులు ఉన్నారు. అలాంటి మెగాస్టార్ గారి కుటుంబం ఎంతో అన్యోన్యంగా చక్కగా ఉందంటే దానికి ఖచ్చితంగా కారణం ఇంటి బాస్ సురేఖ గారే. సినిమాల్లో ఆయన మెగాస్టార్ అవ్వొచ్చు కానీ ఇంట్లో మాత్రం మెగాస్టార్ బాస్ సరేఖ గారే. వాళ్ళ పెళ్లి పెద్దలు కుదిర్చినది. ఇక అప్పటి పెళ్లి విషయాలను చిరు గారే స్వయంగా చెబుతూ నవ్వులు పూయించేశారు.

కాఫీ తో పడగొట్టేసింది…

దివంగత హాస్య నటుడు అల్లు రామలింగయ్య గారి శత జయంతి దినోత్సవం సందర్బంగా హైదరాబాద్ లోని పార్క్ హయత్ హోటల్ లో వేడుకలను నిర్వహించారు. అందులో మాజీ ఉపరాష్ట్రపత్తి వెంకయ్యనాయుడు గారు, చిరంజీవి, ఆయన కుటుంబం ఇంకా తదితరులు పాల్గొన్నారు. ఇక ఈ వేడుకలో భాగంగా అల్లు రామలింగయ్య గారితో చిరంజీవికి ఉన్న అనుబంధాన్ని అలాగే సురేఖతో జరిగిన పెళ్లి తంతు ముందు విషయాలను సరదాగా పంచుకున్నారు చిరు. అల్లు రామలింగయ్య గారు చిరంజీవి కి ఒక మార్గదర్శి లాగా ఉండి తొలినాళ్ళలో చాలా క్లోజ్ గా ఉండేవారు. ఇక చిరంజీవి అయితే తన కూతురికి చక్కగా సరిపోతాడని భావించి అల్లు రామలింగయ్య గారు చిరంజీవి ని సురేఖ తో పెళ్లి గురించి అడిగారట. కానీ చిరు అప్పుడప్పడే ఇంకా సినిమాల్లో ఎదుగుతున్న క్రమంలో అపుడే పెళ్లి వద్దని చెప్పారట.

కానీ అల్లు రామలింగయ్య గారు ఈ పెళ్లి ప్రస్తావన చిరంజీవి తండ్రి గారి వద్దకు తీసుకెళ్లారు. ఇక ఆయన బలవంతం చేయడంతో మొహమాటంతో కాదనలేక పెళ్లి చూపులకు వెళ్లారట. అక్కడ మెడలో దండ వేసి బలికి గొర్రెను తీసుకువెళ్లినట్లు తీసుకెళ్లారట. అక్కడ సురేఖ గారిని ఒకసారి చూసి ఇంకోసారి చూడాలనిపించి చూశారట. ఇక ఊ అనాలా ఊఉ అనాలా అనే అయోమయం లో ఉంటే ఆవిడ చేతి కాఫీ తాగి కళ్ళు మూసుకుని ఓకే అనేశారట, కళ్ళు తెరిచేసరికి పెళ్లి అయిపోయిందంటూ సరదాగా చంత్కరించారు చిరు. అయినా సురేఖ గారు ఇంటిని అంత చక్కగా చూసుకున్నారు కాబట్టే చిరంజీవి గారు మెగాస్టార్ అవ్వగలిగాడు.