సినీ పరిశ్రమకు వచ్చిన తొలిరోజుల్లో ఈ ఇద్దరు హీరోలు కొన్ని నెగిటివ్ షేడ్స్ ఉన్న క్యారెక్టర్స్ లో నటించారు. ఆ తర్వాత తమను తాము నిరూపించుకుని హీరోగా ఎదిగిన సంగతి అందరికీ తెలిసిందే.. కాకతాళీయంగా ఈ ఇద్దరు కూడా “నాగు” అనే టైటిల్ సినిమాలో నటించారు.
మొదటగా మెగాస్టార్ చిరంజీవి విషయానికి వస్తే… “పున్నమినాగు” ఎం.రాజశేఖర్ దర్శకత్వంలో 1980లో విడుదలైన చిత్రం. ఇందులో చిరంజీవి, నరసింహ రాజు, రతిఅగ్ని హోత్రి ముఖ్యపాత్రల్లో నటించారు. ఈ చిత్రాన్ని ఎం.కుమరన్, ఎం.శరవణన్, ఎం. బాలసుబ్రమణియం కలిసి ఎవియం ప్రొడక్షన్స్ పతాకంపై నిర్మించారు. చక్రవర్తి ఈ చిత్రానికి సంగీతం అందించాడు.
నాగులు ఒక పాములు ఆడించుకునే వ్యక్తి. పూర్ణిమ అనే యువతిని ప్రేమిస్తాడు. మేనక పెంపుడు అన్న రాజు నాగులు చెల్లెలు వరసైన లక్ష్మిని ప్రేమిస్తుంటాడు. నాగులు(చిరంజీవి) తండ్రి చిన్నప్పటి నుంచి అతనికి కొంచెం కొంచెం పాము విషం అతని తినే తిండిలో కలిపి ఇస్తుంటాడు. దీనివల్ల అతనికి పాము కరిచినా ఏమీ కాకుండా ఉంటుంది. ప్రతి పౌర్ణమికీ అతను ఒక కన్యను వెతుక్కుంటూ వెళుతూ ఉంటాడు. అతనికి కలిసిన అమ్మాయిలందరూ అతనిలో ఉన్న విషానికి బలవుతూ ఉంటారు. ఈ విషయం ఎవరికీ తెలియదు. ఒక సారి పూర్ణిమ కూడా అలాగే మరణిస్తుంది. చనిపోయిన పూర్ణిమ ఒంటి మీద ఎక్కడా పాము కాటు గుర్తులు లేకపోవడంతో రాజుకు(నరసింహ రాజు) నాగులు మీద అనుమానం మొదలవుతుంది.
ఒక యువతి ఆ ఊరికి టీచర్ గా వచ్చి నాగులు చేతిలో మరణిస్తుంది. రాజు ఆమె చేతిలో ఉన్న కెమెరాను చూసి నాగులు పాములా మారిపోయినట్లు గమనిస్తాడు. నాగులు తండ్రి చనిపోబోయే ముందు ఆ రహస్యాన్ని నాగులుకి వెల్లడిస్తాడు. నాగులు దానికి విరుగుడు కోసం ప్రయత్నిస్తాడు. కానీ అప్పటికే బాగా ఆలస్యం అయిపోయి ఉంటుంది. అతని చర్మం పాము కుబుసం లాగా కొంచెం కొంచెం ఊడిపోతూ ఉంటుంది. ఊరి వాళ్ళు రాకముందే అక్కడి నుంచి పారిపొమ్మని అతనికి రాజు సలహా ఇస్తాడు. కానీ నాగులు తనకు పాములాగా బతకడం కన్నా మరణమే శరణ్యమని కొండమీద నుంచి దూకి మరణిస్తాడు.
1986 సావాతి చిత్ర కంబైన్స్, ఎమ్మెస్ కోటారెడ్డి దర్శకత్వంలో “నాంపల్లినాగు”చిత్రం విడుదలయ్యింది. ఈ సినిమాలో మోహన్ బాబు, సుమలత, సువర్ణ హీరో, హీరోయిన్లుగా నటించగా.. జయమాలిని ప్రధాన పాత్రలో కనిపిస్తారు. నాగుపాము నేపథ్యంగా ఈ సినిమా కథ ఉండకపోయినా.. కథానాయకుడు మోహన్ బాబు “నాంపల్లినాగు” అనే పేరుతో కొనసాగుతాడు. రౌడీ షేడ్స్ లో కనిపించే హీరోగా మోహన్ బాబు తనదైన నటనతో ప్రేక్షకులను ఆకట్టుకున్నప్పటికీ సినిమాలో కథా బలం లేకపోవడంతో ఈ చిత్రం బాక్స్ ఆఫీసు వద్ద పరాజయం పొందగా…
చిరంజీవి నటించిన “పున్నమినాగు” చిత్రకథ కొత్తగా ఉంది. ఈ చిత్రంలో చిరంజీవి నెగిటివ్ షేడ్స్ లో కనిపించినప్పటికీ ఈ చిత్రం మొత్తం చిరంజీవి పాత్రతో ముందుకు సాగుతుంది. చక్రవర్తి స్వరపరిచిన “పున్నమిరాత్రి పువ్వుల రాత్రి”… అనే పాట ప్రేక్షకులను ఆకట్టుకుంది.చిరంజీవి నాగుపాము లా తనదైన నటనను కనబరిచారు. కట్ చేస్తే ఈ సినిమా బాక్సాఫీస్ వద్ద ఘన విజయాన్ని సాధించింది.
తెలుగు సినీ ప్రపంచంలో తన ప్రత్యేక హాస్యంతో చిరస్థాయిగా గుర్తుండిపోయే నటుడు కళ్లు చిదంబరం గురించి తాజాగా ఆయన కుమారుడు…
సినిమాల్లో కనిపించే గ్లామర్ వెనుక ఎంత కష్టముంటుందో మరోసారి నిరూపించారు బాలీవుడ్ స్టార్ కృతి సనన్. తాజాగా ఆమె నటిస్తున్న…
ఆంధ్రప్రదేశ్ ఉప ముఖ్యమంత్రి, జనసేన అధినేత పవన్ కల్యాణ్ ఆరోగ్యం కోసం అభిమానులు, పార్టీ శ్రేణులు ఆందోళన వ్యక్తం చేస్తున్నారు.…
టాలీవుడ్లో తన ప్రత్యేక శైలితో గుర్తింపు తెచ్చుకున్న దర్శకుడు-నటుడు తరుణ్ భాస్కర్ మరోసారి వినూత్న ప్రమోషన్తో వార్తల్లో నిలిచారు. కొత్త…
కేరళ రాష్ట్రంలో ఘోర విషాదం చోటుచేసుకుంది. త్రిస్సూర్ జిల్లాలో బాణాసంచా తయారీ కేంద్రంలో జరిగిన భారీ పేలుడు ప్రాణనష్టం కలిగించింది.…
హైదరాబాద్ నగరంలో మరో సంచలన ఘటన వెలుగులోకి వచ్చింది. సాఫ్ట్వేర్ రంగంలో పనిచేసిన ఒక వ్యక్తి, గంజాయి అలవాటుతో విచిత్ర…