Comedian Hari: ఎర్రచందనం స్మగ్లింగ్ కి పాల్పడిన జబర్దస్త్ కమెడియన్… పరారీలో ఉన్న కమెడియన్?

Comedian Hari: జబర్దస్త్ కార్యక్రమంలో ఎంతోమంది కమెడియన్లుగా పనిచేస్తూ ఎంతో పేరు ప్రఖ్యాతలు సంపాదించుకున్నారు .మరి కొంతమంది కమెడియన్స్ ఏకంగా సినిమా అవకాశాలను కూడా అందుకొని సినిమాలలో నటిస్తూ ఇండస్ట్రీలో ఎంతో బిజీగా ఉన్నారు.ఇలా జబర్దస్త్ కార్యక్రమం ద్వారా ఎంతో మంది పేరు ప్రఖ్యాతలు సంపాదించుకొని ఇండస్ట్రీలో కొనసాగుతూ ఉండగా మరికొందరు అడ్డదారులలో పయనిస్తున్నారు.

అడ్డదారులలో పయనిస్తూ పెద్ద ఎత్తున స్మగ్లింగ్ కి పాల్పడతున్నారు. జబర్దస్త్ కార్యక్రమంలో లేడీ గెటప్ ద్వారా సందడి చేస్తూ పెద్ద ఎత్తున ప్రేక్షకులను సందడి చేస్తున్న హరి అలియాస్ హరిత గురించి ప్రత్యేకంగా చెప్పాల్సిన పనిలేదు. కమెడియన్ గా ఎంతో మంచి గుర్తింపు పొందినటువంటి ఈయన మరోవైపు స్మగ్లింగ్ చేస్తూ అక్రమాలకు పాల్పడుతున్నారు.

ఈ క్రమంలోనే హరి ఎర్రచందనం స్మగ్లింగ్ కి పాల్పడుతూ పోలీసుల నుంచి తప్పించుకొని పరారైనట్లు తెలుస్తోంది.చిత్తూరు జిల్లా పుంగనూరు వద్ద 60 లక్షల విలువచేసే ఎర్రచందనాన్ని ఆక్రమంగా తరలిస్తూ పోలీసులు చేతికి చిక్కారు. అయితే ఈ అక్రమ రవాణాలో జబర్దస్త్ కమెడియన్ హరికి కూడా భాగం ఉందని తెలుస్తోంది.

Comedian Hari: ఎర్రచందనం స్మగ్లింగ్…

ఈ ఆపరేషన్ లోభాగంగా పోలీసులు జబర్దస్త్ కమెడియన్ పట్టుకోవాలని ప్రయత్నాలు చేసినప్పటికీ ఆయన అప్పటికే పరారీలో ఉన్నారని పోలీసులు వెల్లడించారు. ఈ క్రమంలోనే ఈయనపై కేసు నమోదు చేసుకుని దర్యాప్తు కొనసాగిస్తున్నామని పోలీసులు వెల్లడించారు. అయితే హరి పై కేసు నమోదవడం ఇది మొదటిసారి కాదని ఇదివరకే ఈయనపై స్మగ్లింగ్ కేసులు నమోదు అయ్యాయని తెలుస్తుంది.