టాలీవుడ్లో మరో విషాదం. ఈ రోజు ఉదయం వాణిశ్రీ కుమారుడు మరణించిన విషయం సంగతి తెలిసిందే. తాజాగా ప్రముఖ మిమిక్రీ కళాకారుడు, నటుడు హరికిషన్ కన్నుమూశారు. గత కొద్దిరోజులుగా అనారోగ్యంతో బాధపడుతున్న ఆయన శనివారం తుదిశ్వాస విడిచారు. ఎనిమిదేళ్ల వయసులో మిమిక్రీ చేయడం మొదలు పెట్టిన హరికిషన్ జాతీయ, అంతర్జాతీయ వేదికలపై వేల ప్రదర్శనలు ఇచ్చారు. అగ్ర నటుడు ఎన్టీఆర్, ఏయన్నార్, కృష్ణ నుంచి చిరంజీవి, బాలకృష్ణ, నాగార్జున, వెంకటేశ్లతో పాటు ఎంతో మంది సినీ నటుల గొంతులను ఆయన అనుకరించేవారు. కేవలం సినిమాల్లో వారు చెప్పిన డైలాగ్లు అనుకరించడమే కాదు, కొన్ని చిన్న స్కిట్లను వారు చేస్తే ఎలా ఉంటుందో చేసి చూపించేవారు. అవన్నీ ప్రేక్షకులని కడుపుబ్బా నవ్వించేవి. సినీనటులు మాత్రమే కాదు, తెలుగు రాష్ట్రాల రాజకీయ ప్రముఖులు చంద్రబాబు, వైఎస్ఆర్, కేసీఆర్, వీహెచ్ తదితర ఎంతోమందిని హరికిషన్ అనుకరించి అలరించేవారు. పలు చిత్రాల్లోనూ చిన్న చిన్న పాత్రలు పోషించారు.
హరికిషన్ మే 30, 1963లో ఏలూరులో జన్మించారు. ఎనిమిదేళ్ల వయసులో పాఠశాలలోని తన గురువులను, స్నేహితుల గొంతులను అనుకరించి నవ్వులు పూయించేవారు. 1971 మే 12న తాను చదువుతున్న పాఠశాలలోనే తొలి ప్రదర్శన ఇచ్చారు. హరికిషన్ తండ్రి వీ.ఎల్.ఎన్. చార్యులు గాయకుడు, స్టేజ్ ఆర్టిస్ట్, మ్యూజిక్ కంపోజర్. తాను ఈ రంగంలో రావడానికి తన బంధువు అయిన చూడామణితో పాటు, ప్రముఖ మిమిక్రీ కళాకారుడు, పద్మశ్రీ డాక్టర్ నేరెళ్ల వేణుమాధవ్లు స్ఫూర్తి అని హరికిషన్ పలు సందర్భాల్లో చెప్పారు. హరి కిషన్ పూర్తిస్థాయి మిమిక్రీ కళాకారుడు కాకముందు హైదరాబాద్లోని ఆల్ సెయింట్ హైస్కూల్లో మ్యాథ్స్, ఫిజిక్స్ ఉపాధ్యాయుడిగా జీవితాన్ని ప్రారంభించారు. ఆ తర్వాత కొన్నాళ్లకు ఆ ఉద్యోగానికి రాజీనామా చేసి ఆ తర్వాత పూర్తిగా ప్రదర్శనలపైనే దృష్టి సారించారు.
1971 నుంచి ఇటీవల కాలం వరకూ ఆయన 10వేలకు పైగా ప్రదర్శనలు ఇచ్చారు. గంటలో 100మంది వాయిస్లను అనుకరించి ‘శత కంఠ ధ్వన్యనుకరణ ధురీణ’ బిరుదును పొందారు. అంతేకాదు, ఒకేసారి రెండు వాయిస్లను అనుకరించడం.. దూరం నుంచి దగ్గరి నుంచి వచ్చే శబ్దాలు ఎలా ఉంటాయో ప్రదర్శించడం ఇలా ఎన్నో ప్రయోగాలు చేశారు. ఇక హాలీవుడ్ చిత్రాలు ‘జురాసిక్ పార్క్, అనకొండ, ఈవీల్డెడ్, మెకన్నాస్ గోల్డ్, మమ్మీ, మమ్మీ రిటర్న్స్ ఇలా పలు చిత్రాలను ఆయన తన గొంతుతో రీక్రియేట్ చేశారు.హరికిషన్ మృతి తెలుగు రాష్ట్రాలకు తీరని లోటు. ఆయన మృతికి పలువురు సినీ, రాజకీయ ప్రముఖులు సంతాపం వ్యక్తం చేస్తూ ఆయనతో తమ అనుబంధాన్ని గుర్తు చేసుకున్నారు.????
హైదరాబాద్, సికింద్రాబాద్ వంటి జంటనగరాల్లోనే కాకుండా విశాఖపట్నం, విజయవాడ, బళ్ళారి, కాకినాడ, గుంటూరు, కర్నూల్, ఒంగోలు, నెల్లూరు, రాజమండ్రి వంటి…
ప్రతి మహిళ జీవితంలో నెలసరి ఒక సహజమైన శారీరక ప్రక్రియ. ఈ సమయంలో ఉపయోగించే శానిటరీ ఉత్పత్తులు ఆరోగ్యాన్ని, సౌకర్యాన్ని…
భారత క్రికెట్ అభిమానుల్లో అత్యధిక మద్దతు ఉన్న ఆటగాళ్లలో వికెట్ కీపర్ బ్యాటర్ సంజూ శాంసన్ ఒకరు. అతను జట్టులో…
తెలంగాణ ప్రభుత్వం ప్రభుత్వ పాఠశాలల్లో చదివే విద్యార్థులకు మరో కీలక శుభవార్త చెప్పింది. డిజిటల్ విద్యను మరింత బలోపేతం చేయడంతో…
ఆంధ్రప్రదేశ్లోని డ్వాక్రా (DWCRA) మహిళలకు రాష్ట్ర ప్రభుత్వం శుభవార్త అందించింది. మహిళా స్వయం సహాయక సంఘాల ఆర్థిక భారం తగ్గించే…
బెంగళూరులోని ప్రముఖ ఐటీ సంస్థ క్యాప్జెమిని (Capgemini) క్యాంపస్లో ఉన్న డే కేర్ సెంటర్లో చిన్నారిపై జరిగిన అమానుష ఘటన…