Comedian Srilakshmi : చంద్రమోహన్ చాలా డేంజర్… చంపల మీద కొట్టేవాడు…: కమెడియన్ శ్రీలక్ష్మి

Comedian Srilakshmi : బాబు చిట్టీ అంటేనే టక్కున గుర్తొచ్చే పేరు శ్రీ లక్ష్మి. ఎన్నో తెలుగు సినిమాల్లో కమెడియన్ గా క్యారెక్టర్ ఆర్టిస్ట్ గా చేసింది. తెలుగు ప్రొడ్యూసర్ అమర్నాథ్ కూతురిగా ఇండస్ట్రీకి పరిచయమైన శ్రీ లక్ష్మి తండ్రికి అనారోగ్య సమస్యల వల్ల ఆర్థిక ఇబ్బందులు మొదలవడంతో సినిమాల్లో చిన్న పాత్రలతో మొదలుపెట్టింది. శ్రీ లక్ష్మి సోదరుడు రాజేష్ కూడా హీరోగా, సినిమాల్లో నటించారు. ఆయన కూతురు ఐశ్వర్య రాజేష్ ప్రస్తుతం హీరోయిన్ గా తమిళ, తెలుగు లో నటిస్తోంది.

చంద్ర మోహన్ తో జాగ్రతగా ఉండాలి…

శ్రీలక్ష్మి గారు ఆర్థిక ఇబ్బందులతో సినిమాల్లోకి అడుగుపెట్టినా చాలా సినిమాల్లో కామిక్ పాత్రలతో మంచి గుర్తింపు తెచ్చుకుంది. జంధ్యాల, కే విశ్వనాధ్ గారి సినిమాల్లో మంచి పాత్రలతో నంది అవార్డులు తెచ్చుకున్న శ్రీ లక్ష్మి మొదట్లో సినిమాల్లో నటించే సమయంలో తాను పడిన ఇబ్బందులను తెలిపారు. కంగారు ఎక్కువ ఉండటం వల్ల జంధ్యాల గారి షూటింగులో ఆయనతో తిట్టించుకున్నానని కానీ అలా తిట్టించుకోవడం వల్లే ఇప్పుడు మంచి ఆర్టిస్ట్ అయ్యానంటూ చెప్పారు.

ఇక షూటింగ్స్ లో కంగారు పడటం వల్ల డైలాగు చెప్పే సమయంలో తడబడేదాన్ని అంటూ చెప్పిన శ్రీలక్ష్మి గారు విశ్వనాధ్ గారి సినిమాలో అయితే అమ్మాయిని కంగారు పెట్టకండి అని పక్కన వాళ్లకు చెప్పేవారు. సెట్స్ లో చంద్రమోహన్ ఉన్నాడంటే ఇక అంతే చాలా జాగ్రత్తగా ఉండాలి. వెనుక నుండి వచ్చి టక్కున చంప మీద కొట్టి వెళ్తాడు. ఫిర్యాదు చేయడానికి కూడా ఉండదు బాగా తప్పించుకుంటాడు, బాగా డేంజర్. అందుకే జాగ్రత్తగా ఉండాలి తనతో ఉన్నపుడు అంటూ అప్పటి షూటింగ్ జ్ఞాపకాలను పంచుకున్నారు.