Dhavala Sathyam : ఆ ఒక్క సినిమా వల్ల సినిమా కెరీర్ పోయింది.. రంగస్థలం సినిమా ఒకప్పటి చిరు సినిమా రీమేక్… : ధవళ సత్యం

Dhavala Sathyam : విప్లవ చిత్రాల దర్శకుడు ధవళ సత్యం తన చిత్రాల ద్వారా కమ్యూనిజం భావాలను చూపించాడు. ఎర్ర మల్లెలు, భీముడు, యువతరం కదిలింది, జాతర, చైతన్య రథం, నేను సైతం వంటి చిత్రాలను తీశారు. నాటక రంగంతో పరిచయమున్న ధవళ సత్యం, దాసరి నారాయణ రావు గారి శిష్యుడు. తాజాగా యూట్యూబ్ ఛానల్ కి ఇచ్చిన ఇంటర్వ్యూ లో అప్పటి జ్ఞాపకాలను పంచుకున్నారు.

రంగస్థలం అప్పటి నా సినిమా కథే…..

ఇక ధవళ సత్యం తన సినిమా ప్రస్థానం లో మైలురాయి వంటి సినిమా జాతర గురించి చెబుతూ జాతర సినిమాకు హీరో ఎంపిక కోసం చాలా కష్టపడ్డానని, చిరంజీవిని హీరోగా అనుకున్నా మిగిలిన చిత్ర బృందాన్ని ఒప్పించడానికి కష్టపడ్డానని, కానీ చివరకు చిరంజీవినే హీరోగా సినిమా తీసానని చెప్పారు. ఇక ఆ సినిమా నేడు మంచి కమర్షియల్ హిట్ అయి రామ్ చరణ్ కెరీర్ లో ది బెస్ట్ గా నిలిచిన రంగస్థలం సినిమా కథా ఒకటేనని చెప్పారు.

చిరంజీవి మంచి స్థాయికి వెళ్తాడని ఎపుడో తాను చెప్పానని అన్నారు. ఇక తన చైతన్య రథం సినిమా గురించిన విశేషాలను పంచుకున్నారు. వంగ వీటి రంగ జీవిత కథ ఆధారంగా వచ్చిన సినిమా చైతన్య రథం. అప్పటికే వచ్చిన ప్రతిఘటన సినిమాకు వ్యతిరేకంగా ఈసినిమా తీసారని రంగ కోసం ఈ సినిమా తీసారని విమర్శల నడుమ ఈసినిమా మంచి విజయాన్నందుకుంది. కానీ ఈ సినిమా తరువాత సత్యం కెరీర్ మసకబారింది, అవకాశాలు సన్నగిల్లాయి. ఆ ఒక్క సినిమా తన కెరీర్ లో ఎదగకపోడానికి కారణమని సత్యం చెప్పారు. అయితే సినిమా విషయంలో ఏ బాధలేదని తాను ఎలా తీయాలనుకున్నానో సినిమా అలా తీశానని తాను నమ్ముకున్న సిద్ధాంతాలను పక్కన పెట్టలేదని చెప్పారు. కమ్యూనిజం భావాలతో బ్రతికిన సత్యం తాను నమ్ముకున్న సిద్ధాంతాలను సినిమా రూపంలో చూపించి ప్రజలను చైతన్యపరిచారనడంలో సందేహం లేదు.