ప్రభాస్ ఫస్ట్ క్రష్ ఎవరో తెలిస్తే మైండ్ బ్లాక్ కావాల్సిందే?

టాలీవుడ్ ఇండస్ట్రీలోని మోస్ట్ ఎలిజబుల్ బ్యాచిలర్లలో ప్రభాస్ ఒకరు. ఇప్పటివరకు ప్రభాస్ పెళ్లికి సంబంధించి వచ్చినన్ని రూమర్లు మరే హీరోపై రాలేదు. ప్రభాస్ అనుష్క ప్రేమించుకుంటున్నారని, భీమవరం అమ్మాయిని ప్రభాస్ పెళ్లి చేసుకోబోతున్నాడని రకరకాల వార్తలు సోషల్ మీడియాలో వైరల్ అయ్యాయి. అయితే ఆ తర్వాత ఆ వార్తల్లో ఎటువంటి నిజం లేదని… వైరల్ అవుతున్న వార్తలు అబద్ధమని తేలింది.

బాహుబలి సినిమా విడుదల తరువాత ప్రభాస్ పెళ్లి జరుగుతుందని అభిమానులు భావించినా ప్రభాస్ మాత్రం పెళ్లి ఊసే ఎత్తడం లేదు. బాహుబాలి సిరీస్ తో పాన్ ఇండియా స్టార్ అయిపోయిన ప్రభాస్ నటించబోయే మరో రెండు సినిమాలు హిట్టైతే ప్రభాస్ ఇంటర్నేషనల్ స్టార్ అయినా ఆశ్చర్యపోవాల్సిన అవసరం లేదు. మన దేశంతో పాటు ఇతర దేశాల్లో కూడా ప్రభాస్ కు లక్షల సంఖ్యలో అభిమానులు ఉన్నారు.

ఎంతో మంది అమ్మాయిలకు ప్రభాస్ కలల రాకుమారుడు. అయితే ఆ కలల రాకుమారుడి మనస్సును మాత్రం ఒక యువతి కొల్లగొట్టింది. ప్రభాస్ తన ఫస్ట్ క్రష్ కు సంబంధించిన వివరాలను గతంలో వెల్లడించాడు. ఒక సినిమా ప్రమోషన్స్ కోసం లేడీ ఫ్యాన్స్ తో ప్రభాస్ మాట్లాడుతున్న సమయంలో చెన్నై డాన్ బాస్కో స్కూల్ లో చదువుతున్న సమయంలో స్కూల్ టీచర్ పై క్రష్ ఏర్పడిందని ప్రభాస్ చెప్పుకొచ్చాడు.

తన ఫస్ట్ క్రష్ అయిన టీచర్ ముఖం తనకు ఇంకా గుర్తుందని తెలిపాడు. ప్రభాస్ గతంలో చెప్పిన ఆ విషయం ప్రస్తుతం ప్రభాస్ ఆర్మీ సోషల్ మీడియా పేజీ ద్వారా వైరల్ అవుతోంది. ఇక ప్రభాస్ సినిమాల విషయానికి వస్తే ప్రభాస్ ప్రస్తుతం జిల్ ఫేమ్ రాధాకృష్ణ దర్శకత్వంలో రాధేశ్యామ్ సినిమాలో నటిస్తుండగా నాగ్ అశ్విన్ దర్శకత్వంలో ఒక సినిమాలో, ఓం రౌత్ దర్శకత్వంలొ ఆది పురుష్ సినిమాలో ప్రభాస్ నటించబోతున్నాడు.