Dil Raju : వారసుడు సినిమా బ్రహ్మోత్సవం, అలా వైకుంఠపురం సినిమాలాగా ఉంటుంది… ట్రైలర్ గురించి షాకింగ్ రిప్లై ఇచ్చిన నిర్మాత దిల్ రాజు…!

Dil Raju : సంక్రాంతి పండగ అంటే సినిమాలకు పండగ. పెద్ద హీరో, చిన్న హీరో అని తేడా లేకుండా అందరు హీరోల సినిమాలు ఈ పండగ అప్పుడు విడుదల చేసుకోడానికి ప్లాన్ చేస్తారు. అలాంటి సమయంలో డబ్బింగ్ సినిమాలు కూడా పండగ పూట హడావిడి చేస్తుంటాయి. అయితే ఈ సారి పండగకు పెద్ద సినిమాలే కాకుండా తమిళం నుండి విజయ్ సినిమా కూడా బరిలో నిలుస్తోంది. ఇక చిన్న చిన్న సినిమలు చాలానే ఉన్నాయి. ఓవైపు మెగాస్టార్ మరోవైపు బాలయ్య వీళ్ళ మధ్యలో తమిళ హీరో విజయ్.. ముగ్గురు పెద్దా హీరోల సినిమాలు సంక్రాంతిని టార్గెట్ చేసాయి. అయితే దిల్ రాజు ప్రొడ్యూసర్ గా వస్తున్న ‘వారసుడు’ సినిమా విడుదల వాయిదా వేసుకుంటారు అనే వార్తలు వినిపిస్తున్నా ఇంకా క్లారిటీ రావాలి. ఇవన్నీ పక్కన పెడితే వారసుడు సినిమా విషయంలో దిల్ రాజు ను సోషల్ మీడియాలో మాత్రం బాగా ట్రోల్స్ చేస్తున్నారు.

అన్ని హిట్ సినిమాలు కలిపి ఆ సినిమా…

వారసుడు సినిమా ట్రైలర్ విడుదల అయ్యాక సినిమా ట్రైలర్ తెలుగులో హిట్ అయిన పెద్ద హీరోల సినిమాలైన అలా వైకుంఠపురం, బ్రహ్మోత్సవం, మహర్షి, శ్రీమంతుడు వంటి సినిమాల కాపీలా ఉందంటూ ట్రోల్స్ చేశారు. ఇక ఈ విషయంలో మీడియా సమావేశంలో దిల్ రాజుకి ప్రశ్న ఎదురుకాగా అవును అంటూ సాలిడ్ రిప్లై ఇచ్చారు. శతమానం భవతి సినిమా విడుదలకు ముందు సీరియల్ లాగా ఉంటుందంట కదా అని అడిగేవారు.

ఇప్పుడు వారసుడు సినిమా ను కొత్త తెలుగు హిట్ సినిమాల కాపీ అంటున్నారు. ట్రైలర్ లో కొద్దిగా చూసి సినిమా అలా ఉంటుంది ఇలా ఉంటుంది అంటూ మీరే ఉహించుకుంటారు అంటూ గట్టిగా రిప్లై ఇచ్చారు. మొత్తానికి వారసుడు సినిమా తెలుగు సినిమాల కాపీ కాదు ఇందులో కొత్తదనం ఉంది చూడండి అంటూ చెప్పారు దిల్ రాజు.