ఎన్నో కాఫీ కప్పులు.. నిద్ర లేని రాత్రులు గడిపా.. స్టార్ దర్శకుడి కుమార్తె..?

‘విరుమాన్’ సినిమాతో తమిళ చిత్రంలో నటిగా అరంగేట్రం చేస్తున్న ప్రముఖ దర్శకుడు శంకర్ కుమార్తె అదితి శంకర్.. తాను ఇప్పుడు అధికారికంగా డాక్టర్ అయినట్లు ప్రకటించింది. తన సోషల్ మీడియా ఖాతాలో తాను డిగ్రీని అందుకుంటూ.. తండ్రితో డిగ్రీ పట్టుకుని ఉన్న చిత్రాన్ని పోస్ట్ చేశారు ఈ యువ నటి.

ఈనేపథ్యంలో ఆమె ట్విట్టర్ ఇలా ట్యాగ్ చేశారు.. ఈ రోజు కోసం నా జీవితంలో ఎన్నో కాపీ కప్పులు, నిద్ర లేని రాత్రులు గడిపానంటూ ట్వీట్‌ చేసింది. ఓ వైపు సినిమాలు చేస్తూనే మరో వైపు చదువు కొనసాగించడంతో.. అదితిని మల్టీ టాలెంటెడ్ అంటూ నెటిజన్లు కామెంట్లు పెడుతున్నారు. కంగ్రాట్యులేషన్ అంటూ కామెంట్ల వర్షం కురిపించారు.

ఇక ఆమె కథానాయికగా పరిచయం కానున్న ‘విరుమాన్’ లో నటుడు కార్తీ ప్రధాన పాత్రలో నటించారు. నటీనటులు సూర్య, జ్యోతిక దీనిని నిర్మించారు. గతంలో కార్తీ హీరోగా ‘కొంబన్‌’ చిత్రాన్ని తెరకెక్కించిన ముత్తయ్య ఈ చిత్రానికి దర్శకత్వం వహిస్తున్నారు. కార్తీ , అదితి శంకర్ తో పాటు విరుమాన్, రాజ్ కిరణ్, ప్రకాష్ రాజ్ , సూరి ముఖ్యమైన పాత్రల్లో కనిపించనున్నారు.

వచ్చే ఏడాది మొదట్లో ఈ సినిమా ప్రేక్షకుల ముందుకు రానుంది. ఇక దర్శకుడు శంకర్ విషయానికి వస్తే.. ప్రస్తుతం అతడు ఇండియన్ 2 సినిమాను తెరకెక్కిస్తున్నాడు. శంకర్ కు ఇద్దరు కూతుళ్లు.. పెద్ద కుమార్తె ఐశ్వర్య ఇటీవల ఓ క్రికెటర్ ను వివాహం ఆడిన విషయం తెలిసిందే. ఇక రెండో కూతురు అదితి శంకర్‌ సినిమాల్లోకి అడుగుపెట్టింది.