రామ్ చరణ్.. శంకర్ సినిమాకి ముహూర్తం ఫిక్స్.. ఎక్కడంటే?

మెగా పవర్ స్టార్ రామ్ చరణ్ తేజ్ ప్రస్తుతం రాజమౌళి RRR సినిమా పూర్తి చేసుకొని కోలీవుడ్ స్టార్ డైరెక్టర్ శంకర్ దర్శకత్వంలో తెరకెక్కుతున్న సినిమాతో బిజీగా ఉన్నారు. ఈ క్రమంలోనే ఈ సినిమా RC15 అనే వర్కింగ్ టైటిల్ తో షూటింగ్ పనులను జరుపుకుంటోంది. ఇప్పటికే ఈ సినిమా నుంచి విడుదలైన పోస్టర్ భారీగానే ప్రేక్షకులను ఆకట్టుకుంది. ఇప్పటికే ప్రీ ప్రొడక్షన్ పనులు పూర్తి చేసుకున్న ఈ చిత్రం త్వరలోనే షూటింగ్ పనులు ప్రారంభించబోతుందని గతంలో చిత్ర బృందం వెల్లడించారు.

ఇకపోతే ఈ సినిమా నుంచి వచ్చిన తాజా సమాచారం ప్రకారం ఈ సినిమా అక్టోబర్ 11 నుంచి షూటింగ్ పనులు ప్రారంభించాలని దర్శకుడు ప్లాన్ చేసినట్లు తెలుస్తోంది. ఈ క్రమంలోనే ఈ సినిమా మొదటి షెడ్యూల్ షూటింగ్ ఇక్కడ కాకుండా.. పూణేలో భారీ షెడ్యూల్ ప్లాన్ చేసినట్లు తెలుస్తోంది. ఇకపోతే ఈ సినిమాని ప్రముఖ నిర్మాత దిల్ రాజు మూడు భాషలలో అత్యంత భారీ బడ్జెట్ చిత్రంగా తెరకెక్కించబోతున్నారు.

ఈ సినిమాలో రామ్ చరణ్ సరసన కియారా అద్వానీ జోడీ కట్టనున్నారు. ఇకపోతే చెర్రీ, శంకర్ కాంబోలో తెరకెక్కుతున్న ఈ భారీ బడ్జెట్ చిత్రానికి ఎస్.ఎస్ తమన్ సంగీతం అందించగా.. ఇందులో చెర్రీ ఓ రాజకీయ నాయకుడి పాత్రలో కనిపించనున్నట్లు తెలుస్తోంది. ఈ క్రమంలోనే ఒకే ఒక్కడు సినిమా సీక్వెల్ గా ఈ చిత్రాన్ని తెరకెక్కించబోతున్నారా అనే ఆతృత ప్రేక్షకుల్లో నెలకొంది.

అక్టోబర్ 11 నుంచి ఈ సినిమా వరుస షూటింగ్ ను జరుపుకొనుంది. అయితే ఎక్కువగా ఈ సినిమాను తెలంగాణ పరిసర ప్రాంతాలలో పూర్తి చేయాలని దర్శకుడు సినిమా లొకేషన్లో కూడా పరిశీలించినట్లు తెలుస్తోంది. శరవేగంగా షూటింగ్ పనులను పూర్తిచేసుకుని త్వరలోనే ఈ సినిమాని ప్రేక్షకుల ముందుకు తీసుకురానున్నట్లు తెలుస్తోంది.