పట్టు వస్త్రాలు మన్నికగా ఉండాలంటే… ఇలా చేయండి!

మహిళలు పట్టు చీరలు కట్టేటప్పుడు కేవలం ఫంక్షన్లు, పెళ్లిళ్లకు మాత్రమే ధరిస్తారు. తర్వాత వాటిని భద్రంగా బీరువాలో దాచిపెడతారు. అయితే నెల రోజులకు ఒకసారి బయటకు తీసి.. ఫంక్షన్లకు వాడి.. మళ్లీ బీరువాలో పెడితే బాగానే ఉంటాయి.. కానీ సంవత్సరాల తరబడి నిల్వ ఉంచితె మాత్రం కొద్దిగా చెడిపోతాయి.

ఇలా ఎన్ని రోజులు ఉన్నా మన్నికగా ఉండాలన్నా.. కొత్తగా కనిపించాలన్నా ఏమి చేయాలో ఇక్కడ తెలుసుకుందాం.. ముందుగా ఆ దుస్తులను వాడినప్పుడు ఎప్పుడైనా మృదువైన నీటితోనే ఉతకాలి. అందులో కొద్దిగా బొరాక్స్ పౌడర్ ను కలిపి ఉతికితే మన్నికగా ఉంటాయి. తర్వాత వాటిని ఆరేసినప్పుడు ఎండలో ఆరేయకూడదు.. కేవలం వాటిని నీడలోనే ఆరేయాలి.

పట్టు వస్త్రాలపై ఒకవేళ రక్తపు మరకలు ఉంటే.. ఉతికే టైంలో కొన్ని అమ్మోనియా చుక్కలు వేసి జాడించాల్సి ఉంటుంది. చిన్న పిల్లలకు చాక్లెట్ అంటే చాలా ఇష్టపడతారు. అయితే ఒక్కో టైంలో వాళ్లను ఓదార్చి ఎత్తుకునే టైంలో చీరలకు ఆ మరకలు అంటుతాయి. అటువంటి మరకలను తొలగించాలంటే మాత్రం.. తప్పని సరిగా వాటిని వేడి నీటిలో ఉతికి ఆరేయాలి. కాఫీ లేదా టీ మరకలు లాంటివి తొలగించాలంటే.. దానిలో హైడ్రోజన్ పెరాక్సైడ్ కలిపి వేడినీటిలో ఉతకాలి.

హైడ్రోజన్ పెరాక్సైడ్ ను ముఖ్యంగా దేనికి ఉపయోగిస్తారంటే.. ఏమైనా గాయాలు అయితే వాటి మీద పూసి.. వైద్యుల శుభ్రం చేస్తారు. కానీ దానిని ఈ రకంగా కూడా ఉపయోగించవచ్చు. మద్యం మరకలు అంటే వైన్, విస్కీ లాంటివి పోవాలంటే మాత్రం చల్లటి నీటిలో జాడించి.. వేడినీటిలో ఉతకాలి. ఇలా ఉతికిన తర్వాత పట్టు చీరలను లేదా వస్త్రాలను చెక్కల మీద, ప్లాస్టిక్ సంచుల్లో ఎట్టి పరిస్థితుల్లో పెట్టకూడదు. వాటికి గాలి తగిలే విధంగా చూడాలి. అప్పుడే అవి చాలాకాలం ఉంటాయి.