సుకుమార్ దర్శకత్వంలో ఆర్య 3 అప్ డేట్ వచ్చేసింది.. దీనిలో బన్నీ అలా కనిపించనున్నారు?

ప్రస్తుతం అల్లు అర్జున్ నటిస్తున్న చిత్రం పుష్ప. ఇది రెండు భాగాలుగా రానుంది. ఈ చిత్రాన్ని పాన్‌ ఇండియా స్థాయిలో మైత్రీ మూవీ మేకర్స్‌ సంస్థ నిర్మిస్తోంది. పుష్పరాజ్‌గా అల్లు అర్జున్‌ కనిపించనున్నారు. ఆయన సరసన శ్రీవల్లిగా రష్మిక సందడిచేయనున్నారు.

తొలి భాగం డిసెంబరు 17న విడుదలకానుంది. ‘పుష్ప-2’ షూట్ పూర్తికాగానే కాస్త గ్యాప్ ఇచ్చి ‘ఆర్య-3’ ప్రాజెక్ట్ పట్టాలెక్కించనున్నట్లు సమాచారం. అయితే, ఈ చిత్రంలో బన్నీ సరసన ఎవరు నటిస్తారనే వివరాలేవీ తెలియరాలేదు.

దర్శకుడు సుకుమార్‌, నటుడు అల్లు అర్జున్‌, సంగీత దర్శకుడు దేవిశ్రీ ప్రసాద్‌.. టాలీవుడ్‌లో ఈ కాంబినేషన్‌కి ఎంతో క్రేజ్‌ ఉంది. ఈ కలయికలో వచ్చిన ప్రతి సినిమా మ్యూజికల్‌ హిట్‌గా నిలిచింది. ప్రస్తుతం పుష్ప సినిమా కు సంబంధించి రెండో సాంగ్ కూడా ప్రోమో వచ్చింది. ఇది ప్రతీ ఒక్కరినీ అలరిస్తోంది.

అయితే ఇప్పటికే అల్లు అర్జున్ తో సుకుమార్ ఆర్య, ఆర్య 2 సినిమాలను రూపొందించిన సుకుమార్ పుష్ఫ తర్వాత ఆర్య3 ని తెరకెక్కించనున్నారు. ఇటీవల లైవ్ చాట్‌లో సుకుమార్ ఈ విషయాన్ని స్పష్టం చేశారు. ప్రస్తుతం స్క్రిప్ట్ సిద్ధమవుతోందని, త్వరలోనే అప్‌డేట్ చెబుతానని సుకుమార్ తెలిపారు. దీనిలో అల్లు అర్జున్ డిఫరెంట్ లుక్ లో కనిపిస్తాడన్న టాక్ వినిపిస్తోంది.