Director Surya Kiran : ఆ సినిమా నా జీవితాన్ని తలకిందులు చేసింది…: డైరెక్టర్ సూర్య కిరణ్

Director Surya Kiran : ‘సత్యం’ సినిమాజో ఒక్కసారిగా ఫేమస్ అయిన డైరెక్టర్ సూర్య కిరణ్. ఆ సినిమాతో తనని తాను డైరెక్టర్ గా ప్రూవ్ చేసుకున్నాడు. అయితే సూర్య కిరణ్ తొలుత చైల్డ్ ఆర్టిస్ట్ గా కొన్ని వందల సినిమాల్లో నటించారు. ఇక ఆయన చెల్లి సుజిత కూడా చైల్డ్ ఆర్టిస్ట్ గా చాలా సినిమాల్లో నటించింది. ప్రస్తుతం సుజిత సీరియల్ ఆర్టిస్ట్ గా కొనసాగుతున్నారు. సత్యం తరువాత ధన 51, రాజుబాయ్ వంటి సినిమాలను తీసినా పెద్దగా హిట్ కాలేదు. ఇక బిగ్ బాస్ తెలుగులో కంటెస్టెంట్ గా వచ్చి మళ్ళీ తెలుగు ప్రేక్షకులను పలకరించిన సూర్య కిరణ్ హీరోయిన్ కళ్యాణి ని పెళ్లి చేసుకున్నారు. అయితే వ్యక్తిగత కారణాలతో ఇద్దరూ విడాకులు తీసుకున్నారు.

ఆ సినిమా జీవితాన్ని నాశనం చేసింది…

సూర్య కిరణ్ సత్యం సినిమా తరువాత వరుసగా ఫ్లాప్స్ ఇచ్చినందుకు కూడా కెరీర్ బాగానే ఉంది కానీ ‘చాప్టర్ 6’ అనే సినిమాను తానే దర్శకత్వం వహించి నిర్మించడంతో ఆ సినిమా ఫ్లాప్ అవడంతో ఆర్థికంగా కోలుకోలేని దెబ్బ తిన్నారు. ఆ సినిమాకు ప్రొడ్యూసర్స్ దొరకకపోవడంతో తానే నిర్మించి సినిమా సెప్టెంబర్ 2009 లో విడుదల చేయాలనుకున్నారు. అయితే అదే సమయానికి వైఎస్సార్ మరణం, ఆ తరువాత వరదలు రావడంతో వాయిదా పడుతూ పోయింది అంటూ చివరికి ఏప్రిల్ సమయంలో ఐపీల్ అయ్యాక విడుదల చేయాల్సి వచ్చింది.

విడుదల వాయిదా పడటంతో అప్పుగా తీసుకున్న డబ్బుకు వడ్డీలు కట్టడంతో చివరికి సినిమా థియేటర్స్ కివచ్చే సమయానికి అడ్డంకులు రావడం వల్ల ఉన్న ఆస్తులన్నీ అమ్ముకోవాల్సి వచ్చింది. ఆ సమయంలోనే కళ్యాణితో విడాకులను కూడా తీసుకున్నాను అంటూ నా జీవితాన్ని ఆ సినిమా ఆర్థికంగా, మానసికంగా దెబ్బతీసింది అంటూ చెప్పారు