Director Teja: ఈ సినిమాలో కూడా హీరో హీరోయిన్లను కొట్టారా… విలేకరి ప్రశ్నకి దిమ్మతిరిగే సమాధానం ఇచ్చిన తేజ!

Director Teja: తెలుగు సినిమా ఇండస్ట్రీలో దర్శకుడిగా ఎంతో పేరు ప్రఖ్యాతలు సంపాదించుకున్నటువంటి వారిలో డైరెక్టర్ తేజ ఒకరు. తాజాగా ఈయన అహింస అనే సినిమా ద్వారా ప్రేక్షకుల ముందుకు రాబోతున్నారు. దగ్గుబాటి అభిరామ్ ను హీరోగా పరిచయం చేస్తూ ఈ సినిమా ప్రేక్షకుల ముందుకు రాబోతుంది. ఈ సినిమా జూన్ 2వ తేదీ విడుదల కానున్న నేపథ్యంలో పెద్ద ఎత్తున ప్రమోషన్ కార్యక్రమాలను నిర్వహిస్తున్నారు.

ఈ సినిమా ప్రమోషన్ కార్యక్రమాలలో భాగంగా చిత్ర బృందం ప్రెస్ మీట్ నిర్వహించారు. ఇందులో భాగంగా విలేకరులు అడిగే ప్రశ్నలకు తేజ తన స్టైల్ లో సమాధానం చెప్పారు..ఈ సందర్భంగా విలేకరి ప్రశ్నిస్తూ సినిమాలో అంతా హింస చూపిస్తూ సినిమాకు అహింసా అని ఎందుకు టైటిల్ పెట్టారని ప్రశ్నించారు.ఈ ప్రశ్నకు తేజ సమాధానం చెబుతూ అహింస అని టైటిల్ పెట్టి గాంధీ గారితో సినిమా చేయలేం కదా అని తెలిపారు.

ఈ సినిమాకు హింస కరెక్టా అహింస కరెక్ట్ అనేది సినిమా చూస్తే తెలుస్తుందని ఈయన సమాధానం చెప్పారు. ఇకపోతే షూటింగ్ సమయంలో డైరెక్టర్ తేజ హీరో హీరోయిన్లపై కొన్నిసార్లు చేయి చేసుకుంటారన్న వాదన కూడా ఉంది. ఈ క్రమంలోనే ఒక విలేఖరి ఈ విషయం గురించి తేజన ప్రశ్నిస్తూ ఈ సినిమాలో కూడా హీరో హీరోయిన్ల పై చేయి చేసుకున్నారా అని ప్రశ్నించారు.

Director Teja: నేను కొట్టడం నువ్వు చూసావా…

ఈ విధంగా విలేఖరి హీరో హీరోయిన్లను కొట్టారా అంటూ ప్రశ్నించడంతో రియాక్ట్ అయిన తేజ సమాధానం చెబుతూ నేను హీరో హీరోయిన్లను కొట్టడం నువ్వు ఎప్పుడైనా చూసావా అంటూ తన స్టైల్ లో తిరిగి విలేకరికి ఎదురు ప్రశ్న వేశారు. ప్రస్తుతం ఈయన చేసిన ఈ కామెంట్స్ సోషల్ మీడియాలో వైరల్ అవుతున్నాయి. ఇకపోతే ఈ సినిమా కోసం హీరో అభిరామ్ ను బాగా టార్చర్ పెట్టానని తేజ తెలిపారు.