బుల్లెట్టు బండెక్కిన దివ్వవాణి.. డ్యాన్స్ మామూలుగా లేదుగా.. వీడియో వైరల్..!

నీ బుల్లెట్టు బండెక్కి వచ్చేత్త పా అనే సాంగ్ ఎంత పెద్ద హిట్ అయిందో ప్రత్యేకంగా చెప్పాల్సిన అవసరం లేదు. ఆ పాటకు ఎక్కడ లేని క్రేజ్ వచ్చేసింది. ఇటీవల మంచిర్యాలకు చెందిన ఓ పెళ్లి కూతురు తన పెళ్లి బరాత్‏లో ఈపాటకు డ్యాన్స్ చేయడంతో ఈ పాటకు క్రేజ్ మరింత పెరిగిపోయింది. ఆమె స్టెప్పులకు నెటిజన్లు ఫిదా అయ్యారు.

అప్పటి నుంచి పెళ్లిళ్లు, ఇతర శుభకార్యాల్లో బుల్లెట్ పాట మోత మోగిస్తోంది. అంతేకాదు ఇన్‌స్టా రీల్స్, యూట్యూబ్ షార్ట్స్, జోష్, మోజ్ ఇంకా ఇతర షార్ట్ వీడియో అప్లికేషన్స్‌లోనూ దుమ్ము రేపుతోంది. తెలంగాణలో మొదలైన ఈ క్రేజ్ ఏపీలో కూడా కొనసాగుతోంది. లక్షలాది మంది ఈ పాటకు స్టెప్పులేసి సోషల్ మీడియాలో అప్‌లోడ్ చేస్తున్నారు.

య్యూట్యూబ్ లో ఈ పాటకు కోట్లల్లో వ్యూస్ వచ్చాయి. ఇదిలా ఉండగా ఈ పాటకు పలువురు సినీ ప్రముఖులు, రాజకీయ నాయకులు కూడా స్టెప్పులేయడం మొదలు పెట్టారు. దీనిలో భాగంగానే తాజాగా సీనియర్ హీరోయిన్, టీడీపీ అధికార ప్రతినిధి దివ్యవాణి సైతం ఈ పాటకు స్టెప్పులేసింది. అది కూడా నడి రోడ్డుపై అందరు చూస్తుండగానే డ్యాన్స్ వేసి అలరించింది. ప్రస్తుతం దివ్య వాణి డ్యాన్స్‌కు సంబంధించిన వీడియో నెట్టింట వైరల్‌గా మారింది.

ఈమె ‘పెళ్లిపుస్తకం’ సినిమాతో ఎంతో ఫేమ్ అయ్యారు. ఆమె పలు సీరియళ్లలో కూడా నటించారు. ప్రస్తుతం టీడీపీ తరఫున రాజకీయాల్లో క్రీయాశీలకంగా ఉన్నారు. ఏదో కార్యక్రమానికి హాజరైన అనంతరం దివ్య వాణి సన్నిహితుల నడుమ, రోడ్డుపైనే ఈ పాటకు స్టెప్పులేశారు. దీంతో అక్కడున్న కొందరు ఆమె డ్యాన్స్‌ను వీడియో తీశారు. ఆ వీడియోను సోషల్ మీడియాలో పోస్టు చేయగా తెగ వైరల్ గా మారింది.