Shahid Kapoor: ఆ సినిమాను ఓటీటీలో విడుదల చెయ్యకండి.. కావాలంటే రెమ్యూనరేషన్ తగ్గించుకుంటా.. యంగ్ హీరో?

Shahid Kapoor: ప్రస్తుతం కరోనా కేసులు రోజురోజుకు పెరుగుతున్న నేపథ్యంలో ఇప్పటికే కొన్ని రాష్ట్రాల్లో పలు ఆంక్షలు విధించడం వల్ల థియేటర్లు మూత పడ్డాయి. ఈ క్రమంలోనే విడుదల కావాల్సిన సినిమాలన్నీ మరోసారి వాయిదా వేసుకున్నాయి. ఇలా వాయిదా వేసుకున్న చిత్రాలలో జెర్సీ హిందీ రీమేక్ చిత్రం కూడా ఒకటి. అన్ని పరిస్థితులు అనుకూలించి ఉంటే ఈ సినిమా డిసెంబర్ 31వ తేదీన ప్రేక్షకుల ముందుకు రావాల్సి ఉంది.

అయితే కరోనా ఆంక్షల కారణంగా ఈ సినిమా విడుదల వాయిదా పడటంతో ఈ సినీ నిర్మాతలు ఈ సినిమాను థియేటర్లో కాకుండా ఓటీటీలో విడుదల చేయాలనే ఆలోచనలో ఉన్నట్లు తెలుస్తోంది. అయితే ఈ విషయంపై స్పందించిన హీరో షాహిద్ కపూర్ ఈ సినిమాను ఓటీటీలో విడుదల చేయడానికి ఒప్పుకోలేదు. ఈ సినిమా బాక్సాఫీస్ వద్ద తప్పకుండా రికార్డులను సృష్టిస్తుందని నమ్మడం వల్ల ఈ సినిమాని ఓటీటీలో విడుదల చేయడానికి ఇష్టపడటం లేదు.

తెలుగులో ఎంతో అద్భుతమైన విజయాన్ని అందుకున్న అర్జున్ రెడ్డి సినిమా హిందీలో రీమేక్ చేసి ఎంతో పాపులారిటీ దక్కించుకున్న షాహిద్ కపూర్ ఈ సినిమా ద్వారా మరింత క్రేజ్ పెంచుకోవాలని ప్రయత్నం చేస్తున్నారు. ఇలాంటి సమయంలో ఈ సినిమాని థియేటర్లో కాకుండా ఓటీటీలో విడుదల చేయడంతో ఎలాంటి ఫలితం ఉండదని భావించారు.

తన రెమ్యూనరేషన్లు ఎంతైనా కోత విధించండి..

ఎంతో అద్భుతమైన ఇలాంటి చిత్రాన్ని ప్రేక్షకులు థియేటర్లోనే చూడాలని బాధించిన ఈ హీరో ఏకంగా తన రెమ్యూనరేషన్ తగ్గించుకోవడానికి కూడా వెనకాడటం లేదు. ఈ సినిమా కోసం షాహిద్ కపూర్ 31 కోట్ల రెమ్యూనరేషన్ తీసుకోగా ఇందులో 5 లేదా 10 కోట్లు లేదా ఎంతైనా కోత విధించాలని ఆయన నిర్మాతలను వేడుకున్నారు. కొద్ది రోజుల పాటు ఈ సినిమా విడుదలను వాయిదా వేసి అనంతరం థియేటర్లోనే విడుదల చేయాలని నిర్మాతలను రిక్వెస్ట్ చేశారు. మరి ఈయన విన్నపాన్ని నిర్మాతలు వింటారా? లేక ఈ సినిమాని థియేటర్లో విడుదల చేస్తారా.. అనే విషయం తెలియాల్సి ఉంది.