Deepika Padukone: బాలీవుడ్ ఇండస్ట్రీలో స్టార్ హీరోయిన్గా ఎంతో మంచి సక్సెస్ అందుకున్నటువంటి వారిలో దీపిక పదుకొనే ఒకరు. ఈమె బాలీవుడ్ హీరోయిన్ గా ప్రస్తుతం వరుస సినిమాలలో నటిస్తూ కెరియర్ పరంగా బిజీగా ఉన్నారు. అయితే దీపిక ఇటీవల బాలీవుడ్ సినిమాలు మాత్రమే కాకుండా తెలుగు సినిమాలకు కూడా కమిట్ అవుతున్న సంగతి మనకు తెలిసిందే.

ఈ క్రమంలోనే ప్రభాస్ హీరోగా నటిస్తున్న కల్కి సినిమాకు ఈమె హీరోయిన్ గా నటిస్తున్నారు. ఈ సినిమా పాన్ ఇండియా స్థాయిలో సుమారు 600 కోట్ల బడ్జెట్ తో ప్రేక్షకుల ముందుకు రాబోతోంది. మే 9వ తేదీ విడుదల కాబోతున్నటువంటి ఈ సినిమా చివరి దశ షూటింగ్ పనులను జరుపుకుంటుంది. ఈ సినిమాలో దీపిక పదుకొనే మాత్రమే కాకుండా దిశా పటాని కూడా నటిస్తున్నట్టు తెలుస్తుంది. అంతేకాకుండా ఈ సినిమాలో మరో ఏడుగురు స్టార్ సెలబ్రిటీలు కూడా నటిస్తున్నారంటూ వార్తలు వచ్చాయి.

ఇలా ఈ హీరోల గురించి ఏ విధమైనటువంటి అధికారిక ప్రకటన లేకపోయినా ఈ వార్తలు వైరల్ గా మారడంతో సినిమాపై భారీ స్థాయిలో అంచనాలు పెరిగిపోయాయి. ఇదిలా ఉండగా తాజాగా ఈ సినిమాకు సంబంధించి ఒక వార్త వైరల్ గా మారింది. ఇందులో దీపిక పదుకొనే నటిస్తున్నటువంటి తరుణంలో ఈమె ఈ సినిమా కోసం భారీగా రెమ్యూనరేషన్ డిమాండ్ చేశారని తెలుస్తుంది.

రెమ్యూనరేషన్ 20 కోట్లు…

నటి దీపిక పదుకొనే ఈ సినిమాలో నటించడం కోసం ఏకంగా 20 కోట్ల రూపాయల వరకు రెమ్యూనరేషన్ డిమాండ్ చేశారట. ఈ క్రమంలోనే నిర్మాతలు కూడా తనకు ఈ రెమ్యూనరేషన్ ఇవ్వడానికి సిద్ధమయ్యారని తెలుస్తోంది. ఇక ఈ సినిమాని శ్రీ వైజయంతి మూవీస్ బ్యానర్ పై అశ్వినీ దత్ నిర్మిస్తున్న సంగతి తెలిసిందే.