Rahul Gandhi: పబ్ లో రాహుల్ గాంధీ పక్కన ఉన్న అమ్మాయి ఎవరో తెలుసా?

Rahul Gandhi: కాంగ్రెస్ సీనియర్ నేత ఎంపీ రాహుల్ గాంధీ నేపాల్ లోని ఖాట్మండు నైట్ క్లబ్‌లో ఓ అమ్మాయితో ఎంజాయ్ చేస్తున్నటువంటి వీడియో సోషల్ మీడియాలో వైరల్ గా మారింది. ఈ వీడియోని
బీజేపీ జాతీయ ఐటీ విభాగం చీఫ్ మాళవియా ట్విట్టర్ ద్వారా షేర్ చేయడంతో ఈ వీడియో సోషల్ మీడియాలో చక్కర్లు కొట్టింది. ఇదే అదునుగా భావించిన బీజేపీ నేతలు రాహుల్ గాంధీ పై తీవ్ర స్థాయిలో విమర్శలు చేశారు.

ఇక ఈయన పబ్ వీడియో సోషల్ మీడియాలో వైరల్ గా మారింది. అయితే ప్రస్తుతం ఈయన పక్కన పబ్ లో ఉన్నటువంటి ఆ అమ్మాయి ఎవరు అనే విషయం గురించి పెద్దఎత్తున చర్చలు జరుగుతున్నాయి. అయితే ఆ అమ్మాయి చైనా రాయబారి అని పెద్ద ఎత్తున వార్తలు వచ్చాయి. ఈ క్రమంలోని ఎంపీ విజయసాయిరెడ్డి సోషల్ మీడియా వేదికగా స్పందిస్తూ చైనా రాయబారి హౌ యాంకీ అని చెబుతూనే మరో అడుగు ముందుకేసి ‘చైనా హనీ ట్రాప్’ అనే పదాన్ని కూడా ఉపయోగించారు.

రాహుల్ గాంధీతో పాటు పబ్ లో ఉన్నటువంటి అమ్మాయి గురించి పెద్ద ఎత్తున చర్చలు జరగడంతో ఈ విషయంపై ఓ జాతీయ మీడియా సంస్థ ఫ్యాక్ట్ చెక్ చేయగా… ఆమె చైనా రాయబారి కాదని తేలింది. ఆ అమ్మాయి రాహుల్ గాంధీ స్నేహితురాలు సీఎన్ఎన్ మాజీ జర్నలిస్ట్ సుమ్నిమా ఉదాస్ స్నేహితురాలని వెల్లడించారు.

ఏ ఒక్కరూ చైనీయులు కాదు…

రాహుల్ గాంధీ తన స్నేహితురాలు సుమ్నిమా ఉదాస్ వివాహం కోసం నేపాల్ వెళ్లారు. వివాహ విందును నైట్ క్లబ్ లో ఏర్పాటు చేయగా.. ఆ సమయంలో రాహుల్ గాంధీతో పాటు మరో ఐదుగురు ఆ క్లబ్ కు వెళ్లారు. ఇక్కడికి వచ్చిన ఏ ఒక్కరిలో కూడా చైనీయులు లేరని నైట్ క్లబ్ యాజమాన్యం తెలియజేశారు. అయితే ఆ సమయంలో రాహుల్ గాంధీ క్లబ్ లో ఉన్నటువంటి వీడియో సోషల్ మీడియాలో వైరల్ గా మారడంతో ఆయనపై ఎంతోమంది విమర్శలు చేశారు.