Jeans Movie: సూపర్ హిట్ సినిమా జీన్స్ ను చేతులారా చేజార్చుకున్న హీరో ఎవరో తెలుసా?

Jeans Movie: సౌతిండియాలో మణిరత్నం తరువాత పెద్ద డైరెక్టర్ ఎవరంటే వెంటనే గుర్తుకువచ్చే పేరు శంకర్. ఒకానొక దశలో మణిరత్నం కన్నాఎక్కువ పేరునే సంపాదించాడు. భారీ చిత్రాలను నిర్మించడంతో పాటు వాటితో భారీ హిట్లు కొట్టడం శంకర్ కు అలవాటే.. జెంటిల్ మెన్ తో మొదలైన ఆయన సినిమా దర్శకత్వ ప్రతిభ భారతీయుడు, బాయ్స్, ప్రేమికుడు, శివాజీ, రోబో ఇలా అన్ని భారీ చిత్రాలనే తీశాడు.

ఇలాంటి డైరెక్టర్ తో ఒక్క సినిమా తీసినా.. చాలు అనుకునే హీరోలు కూడా ఉన్నారు. ఏకంగా స్టార్ హీరోలే శంకర్ డైరెక్షన్ లో ఒక్కసినిమా చేయాలని అనుకునేవారు. ఇంతటి స్టార్ డైరెక్టర్ ఆఫర్ ఇస్తే ఏ హీరో అయినా చేయకుండా ఉంటాడా….. కానీ ఉన్నాడు. ఆయనే ‘అబ్బాస్’. భారతీయుడు బ్లాక్ బస్టర్ తరువాత శంకర్ ‘జీన్స్’ సినిమా చేయాలని అనుకున్నాడు.

ఒకే అమ్మాయిని ఇద్దరు కవలలు ప్రేమించే సినిమా కథతో సినిమా చేయాలని అనుకున్నాడు. అయితే ఈ సినిమాకు ముందుగా అబ్బాస్ ని హీరోగా అనుకున్నాడు. ఆయనకు కథ కూడా వినిపించాడు. కానీ ఈ సినిమాను చేసేందుకు అబ్బాస్ ఓకే చెప్పలేదు. ‘ ప్రేమదేశం’ సూపర్ హిట్ తో అబ్బాస్ కు వరసగా అవకాశాలు వచ్చాయి.

అప్పటికే ప్రేమదేశం, ప్రేమికుడు వంటి ..

ఏకంగా 10 సినిమాలు లైన్ లో పెట్టాడు. అయితే శంకర్ సినిమాకు కాల్షీట్లు ఇచ్చే పరిస్థితి లేదు.  ఇదే కథను అజిత్ కూడా వినిపించాడు. అయితే ఆ సమయంలో అజిత్ వరస సినిమాలకు కమిట్ అయి బిజీగా ఉన్నాడు. దీంతో ఈ కథ ప్రశాంత్ కు వెళ్లింది. అప్పటికే ప్రేమదేశం, ప్రేమికుడు వంటి సినిమాలను వదులుకున్న ప్రశాంత్ .. కథ నచ్చడంతో శంకర్ సినిమాకు ఎస్ చెప్పాడు. ప్రశాంత్ అప్పటికే 7 సినిమాలు చేస్తున్నా.. శంకర్ పై ఉన్న నమ్మకంతో జీన్స్ సినిమా చేశాడు. ఇటు తెలుగులో అటు తమిళంలో సినిమా సూపర్ డూపర్ హిట్ అయింది. ఐశ్వర్య రాయ్ అందాలు… ఏఆర్ రెహమాన్ మ్యూజిక్ మ్యాజిక్ తో సినిమా పెద్ద హిట్ గా నిలిచింది.