కాజల్ రెమ్యూనరేషన్ ఎంతో తెలుసా..14 వారాలకు ఎన్ని లక్షలు తీసుకున్నారో తెలిస్తే షాక్ అవ్వాల్సిందే!

బిగ్ బాస్ తెలుగు 5 లో మొదట 19 మంది హౌజ్ లో అడుగుపెట్టారు. అందులో కొంతమంది తెలిసిన వాళ్లు ఉండగా.. మరికొంతమంది తెలియని వాళ్లు ఉన్నారు. ఇక రాను రాను.. వారాలు గడుస్తున్నా కొద్ది.. హౌజ్ లో ఉన్న వాళ్లంతా ప్రేక్షకులకు చాలా దగ్గర అయ్యారు.

వారు ఎవరో తెలుసుకునే పనిలో కూడా ఉన్నారు. ఇక ఈ బిగ్ బాస్ షో చివరి దశకు చేరుకుంది. టాప్ 6 లో చోటు సంపాదించుకున్న కాజల్.. చివరి ఎలిమినేట్ కంటెస్టెంట్ గా బయటకు వచ్చేసింది. అయితే కాజల్ ఇన్ని రోజులు ఉండటానికి కారణం అదృష్టమే అని చెప్పాలి. జెస్సీ అనారోగ్యం కారణంగా అనూహ్యంగా బయటకు వచ్చేశాడు. అటువంటి సమయంలోనే అతడు ఇద్దరి లైఫ్ ఇచ్చి వెళ్లాడు.

అందులో మానస్, కాజల్ ఉన్నారు. బయట ఓటింగ్ సరళిని బట్టి చూస్తే.. దాదాపు మానస్ సేవ్ అయి.. కాజల్ బయటకు వెళ్లాలి. కానీ ఆ రోజు ఆమె సేవ్ అయిపోయారు. తర్వాత 12వ వారంలో కూడా ఆమె రవి ఎలిమినేషన్ సమయంలో బయటకు వెళ్తుందనే అనుకున్నారు. కానీ ఎవిక్షన్ పాస్ కారణంగా మళ్లీ సేవ్ అయ్యారు. ఇలా ఆమె హౌజ్ లో కొనసాగింది. తనదైన స్ట్రాటజీలను ప్లే చేసుకుంటూ ముందుకు సాగారు.
ఇక ప్రస్తుతం కాజల్ ఎంత రెమ్యూనరేషన్ తీసుకున్నారనే వార్తలు సోషల్ మీడియాలో వైరల్ అవుతున్నాయి.

14వారాల పాటు హౌజ్ లో ఉన్న కాజల్ వారానికి రూ. 2లక్షలు ఫిక్స్ చేశారట. ఇలా ఆమెకు 14 వారాలకు దాదాపు రూ.28 నుంచి రూ.30 లక్షల వరకు ముట్టజెప్పారనే వార్తలు వస్తున్నాయి. తనకు అప్పులు ఉన్నాయని చెప్పిన కాజల్.. దీంతో ఆ అప్పులను తీర్చనుంది. ఆమె హౌజ్ లో కూడా ఈ విషయాన్ని చాలా సార్లు ప్రస్తావించారు కూడా.