Life is Unpredictable : చావు గురించి ట్వీట్ చేసిన కొద్ది గంటల్లోనే క్రికెట్ లెజెండ్ షేర్ వార్న్ కూడా..

Shane Warne: ఆస్ట్రేలియన్‌ క్రికెట్ లెజెండ్ షేర్ వార్న్ గురించి ప్రత్యేకంగా చెప్పాల్సిన పనిలేదు. ఈయన 1992లో అంతర్జాతీయ క్రికెట్‌లోకి అరంగేట్రం చేసిన 2007లో వీడ్కోలు పలికాడు. షేన్వార్న్్​ ఆస్ట్రేలియా తరఫున 45 టెస్టులు, 194 వన్డేలు ఆడాడు. టెస్టుల్లో 708 వికెట్లు, వన్డేల్లో 293 వికెట్లు తీశారు.

ఈ విధంగా క్రికెట్ లెజెండ్ గా ఎంతో మంచి గుర్తింపు సంపాదించుకున్న షేర్ వార్న్ క్రికెట్‌కు వీడ్కోలు పలికిన అనంతరం కామెంటేటర్‌గా సెకండ్ ఇన్నింగ్స్ ప్రారంభించారు.ఇలా నిత్యం అభిమానులకు ఎప్పుడు టచ్ లో ఉండే ఈయన ఇకపై లేరనే వార్త తెలియడంతో ఎంతో మంది క్రికెట్ అభిమానులు శోకసంద్రంలో మునిగిపోయారు.

క్రికెట్ లెజెండ్ గా గుర్తింపు పొందిన షేర్ వార్న్ (52) గుండెపోటు రావడంతో థాయ్‌లాండ్‌ లోని తన నివాసంలో విగతజీవిగా పడి ఉండటాన్ని చూసిన ఆయన సిబ్బంది వెంటనే ఆయనను చికిత్స నిమిత్తం ఆస్పత్రికి తరలించారు అయితే అప్పటికే ఆయన మృతి చెందినట్లు వైద్యులు వెల్లడించారు. దీంతో ఈ విషయం తెలిసిన ఎంతోమంది అభిమానులు ఈయన ఆత్మకు శాంతి కలగాలని ఇతని మృతికి నివాళులు అర్పిస్తున్నారు.

కీపర్ రాడ్ మార్ష్ మృతికి నివాళి…

ఇక గుండెపోటుతో షేర్ వార్న్ చివరిగా చేసిన ట్వీట్ ప్రస్తుతం సోషల్ మీడియాలో వైరల్ గా మారింది. ఇతను చేసిన ట్వీట్ చూసిన అభిమానులు మరి కాస్త ఎమోషనల్ అవుతున్నారు. ఈయన తన చివరి ట్వీట్ నిన్న ఉదయం 7.23 నిమిషాలకు చేశారు. ఆస్ట్రేలియాకు చెందిన దిగ్గజ వికెట్ కీపర్ రాడ్ మార్ష్ గుండెపోటుతో మృతి చెందగా వార్న్ ఆయన మృతికి నివాళులు అర్పిస్తూ ట్వీట్ చేశారు. అయితే అతనికి నివాళులు అర్పించిన ఈ రోజే షేర్ వార్న్ కూడా గుండెపోటుతో మరణించారు. ఇలా ఈయన చేసిన చివరి క్విజ్ గురించి తెలిసిన అభిమానులు మరింత ఎమోషనల్ అవుతున్నారు.