RRR Movie Release: ఆర్ఆర్ఆర్ సినిమా విడుదల వాయిదా..కారణం ఏంటో తెలుసా..!

RRR Movie Release: ఇండియన్ ఫిలీం ఇండస్ట్రీ ఎంతో ఆసక్తిగా ఎదురు చూస్తున్న సినిమా ట్రిపుల్ ఆర్. దక్షిణాది భాషలు, హిందీతో పాటు మొత్తం 14 భాషల్లో మూవీ రిలీజ్ అవుతోంది. దర్శక ధీరుడు రాజమౌళి ఎంతో ప్రతిష్టాత్మకంగా దాదాపు రూ. 450 కోట్ల బడ్జెట్ తో అత్యంత భారీ స్థాయితో సినిమాను తెరకెక్కించారు.

చారిత్రత్మక కథాంశంతో సినిమా నిర్మించారు. ఇందులో రామ్ చరణ్ తేజ్ అల్లూరి సీతారామ రాజుగా, ఎన్టీఆర్ కోమురంభీంగా నటిస్తున్నారు. మరో మఖ్య పాత్రలో బాలీవుడ్ యాక్టర్ అజయ్ దేవ్ గన్ కూడా నటిస్తున్నారు. చరణ్ కు జోడీగా అలియా భట్ నటిస్తుండగా… ఎన్టీఆర్ కు జోడీగా ఓలీవియా మోరిస్ నటిస్తున్నారు.

భారీ తారాగణంలో నటిస్తుండటంతో సినిమాపై భారీ హైప్ క్రియేట్ అయ్యింది. ప్రపంచ వ్యాప్తం జనవరి 7న సినిమా విడులవ్వనుంది. అయితే ప్రస్తుతం ఈ సినిమా వాయిదా పడే అవకాశాలు కనిపిస్తున్నాయి. ఇదే కనుక జరిగితే … ఫ్యాన్స్ కు ఇది బ్యాడ్ న్యూసే అవుతుంది. గతంలో కరోనా మహమ్మారి కారణంగా సినిమా పరిశ్రమ భారీగా నష్టపోయింది. థియేటర్లకు అనుమతి లేకపోవడంతో చాలా వరకు థియేటర్లు మూతపడ్డాయి.

ఒమిక్రాన్ తో అల్లకల్లోలం..

అయితే ప్రస్తుతం ఓమిక్రాన్ దేశంలో కల్లోలం పుట్టిస్తోంది. ఇప్పటికే పలు రాష్ట్రాలు ఆంక్షల్లోకి వెళ్లాయి. జనవరిలో కేసుల సంఖ్య మరింత పెరగుతుందని నిపుణులు అంచనా వేస్తున్నారు. దీంతో మరిన్ని రాష్ట్రాలు ఆంక్షలు పెట్టనున్నట్లు తెలుస్తోంది. సినిమాను అనుకున్న తేదీ జనవరి 7న విడుదల చేస్తే కలెక్షన్ల పై ప్రభావం పడుతుందని అంచానా వేస్తున్నారు. అందుకే దర్శక నిర్మాతలు సినిమాను వాయిదా వేసే అవకాశాలు ఉన్నాయని తెలుస్తోంది.