షణ్ముఖ్ రెమ్యూనరేషన్ ఎంతో తెలుసా.. ప్రైజ్ మనీ కంటే ఎక్కువే సంపాదించాడుగా..!

టైటిల్ ఫేవరేట్ గా 19 మందిలో ఒకడిగా హౌస్ లో అడుగుపెట్టిన షణ్ముఖ్ జశ్వంత్.. రన్నర్ గా నిలవాల్సి వచ్చింది. అతడు ఒంటరిగా గేమ్ ఆడితే గెలిచేవాడేమో అనే మాటలు కూడా వినపడుతున్నాయి. సిరితో స్నేహం కంటే మరో స్టెప్ ఎక్కువగా ఎమోషనల్ కావడంతోనే అతడికి మైనస్ అయిందంటూ చాలామంది కామెంట్లు చేస్తున్నారు.

ఇదిలా ఉండగా.. హౌస్ నుంచి బయటకు వచ్చిన వారిలో ఎక్కువగా యాంకర్ రవి సంపాదించాడు. అతడు దాదాపు రూ.90 లక్షల వరకు వెనుకేసినట్లు వార్తలు కూడా వచ్చాయి. అయితే రవి హౌస్ లో ఉన్నంత వరకు ఎక్కువగా షణ్ముఖ్ ను తమ్ముడిగా ట్రీట్ చేస్తూ.. దగ్గరయ్యే ప్రయత్నం చేశాడు. రవికి ఎన్ని పేర్లు పెట్టినా నవ్వుకుంటూనే స్వీకరించాడు. కానీ అతడు అనూహ్యంగా 12వ వారంలోనే బయటకు వచ్చాడు.

షణ్ముఖ్ మొదట్లో 4 వారాల వరకు టాప్ లోనే కొనసాగాడు. చాలామంది ఈ సారి షణ్ముఖ్ జశ్వంత్ కే టైటిల్ వస్తుందని కూడా అనుకున్నారు. కానీ సీన్ రివర్స్ అయిపోయింది. సన్నీ అనూహ్యంగా ముందుకు వెళ్లాడు. ఎదుటివారి ఎత్తుగడలను చిత్తు చేస్తూ బ్రహ్మగా పేరు తెచ్చుకున్న షణ్ముఖ్.. సిరి, జెస్సీతో ఎక్కువగా టైమ్ స్పెండ్ చేశాడు. కానీ సన్నీకి వచ్చే మద్ధతు మాత్రం బయట విపరీతంగా పెరిగిపోయింది. ముఖ్యంగా హగ్గులు, కిస్సింగ్ లే అతడి పరాజయానికి కారణం అయ్యాయని సోషల్ మీడియాలో వార్తలు గుప్పుమంటున్నాయి.

ఇక అతడి రెమ్యూనరేషన్ గురించి ప్రస్తుతం ఓ వార్త వైరల్ అవుతోంది. అతడు దాదాపు వారానికి రూ.4లక్షల నుంచి రూ.5 లక్షల మధ్య తీసుకుంటున్నట్లు వార్తలు వస్తున్నాయి. ఇక అతు యాంకర్ రవి తర్వాత ఎక్కవగా సంపాదించింది షణ్ముఖ్ కావడం విశేషం. ఈ క్రమంగా చూస్తే.. విన్నర్ కు ఇచ్చిన ప్రైజ్ మనీ రూ.50 లక్షల కంటే.. షణ్ముఖ్ జశ్వంత్ కు వచ్చిన ప్రైజ్ మనీనే ఎక్కువగా ఉంది. పదిహేను వారాలకు అతడు రూ.65లక్షల వరకు తీసుకున్నట్లు సమాచారం.