Ghani: వరుణ్ తేజ్ తాజా చిత్రం ‘గని’ విడుదల తేదీ వచ్చేసింది..వైరల్ అవుతున్న పోస్టర్..!

Ghani: మెగా బ్రదర్ నాగబాబు వారసుడు.. వరుణ్ తేజ్ రాబోయే చిత్రం.. గని. ఈ చిత్రం విడుదల కోసం మెగా అభిమానులు ఎంతో ఆసక్తిగా ఎదురుచూస్తున్నారు. ఈ సినిమాను మార్చి 18, 2022న ప్రేక్షకుల ముందుకు రానుందని.. ఇదే విషయాన్ని మేకర్స్ కొత్త పోస్టర్‌ ను విడుదల చేసి ప్రకటించారు.

ముందుగా ఈ చిత్రాన్ని డిసెంబర్ 3 న అనుకున్నారు. కానీ కొన్ని కారణాల వల్ల వాయిదా వేశారు. తర్వాత మళ్లీ డిసెంబర్ 24, 2021న విడుదల కావాల్సి ఉంది.. అయితే అల్లు అర్జున్ పుష్ప , రణ్‌వీర్ సింగ్‌ల 83 చిత్రాలు ఉండటంతో.. ఈ సినిమాను వాయిదా వేయాల్సి వచ్చింది.

దీనిలో హీరో వరుణ్ బాక్సర్ గాకనిపించబోతున్నాడు. ఇక బాక్సింగ్ ఆధారంగా రూపొందిన స్పోర్ట్స్ డ్రామాకి కిరణ్ కొర్రపాటి రచన , దర్శకత్వం వహించారు. వరుణ్ తేజ్ గత రెండేళ్లుగా గనీ కోసం ప్రిపేర్ అయ్యి షూటింగ్ చేస్తున్నాడు. కరోనా కారణంగా ఈ సినిమా షూటింగ్ ఆలస్యం అయింది. అంతే కాదు.. కరోనా మహమ్మారి కారణంగా ఎంతో ఇబ్బందుల కూడా పడ్డామని కూడా మేకర్స్ వెల్లడించారు.

క్రిస్మస్ సందర్భంగా..

గీతా ఆర్ట్స్ అధికారిక ట్విట్టర్ ద్వారా కొత్త పోస్టర్‌ను షేర్ చేసింది. నాకౌంట్ పంచ్ కోసం గనీ రెడీగా ఉన్నాడు.. అంటూ ట్విట్టర్ లో ట్యాగ్ చేశారు. ప్రస్తుతం ఈ పోస్టర్ నెట్టింట తెగ వైరల్ గా మారింది. ఈ సినిమాలో వరుణ్‌కు జోడిగా బాలీవుడ్‌ బ్యూటీ సాయి ముంజ్రేకర్ హీరోయిన్‌గా నటిస్తుండగా.. న‌వీన్ చంద్ర, జ‌గ‌ప‌తిబాబు, సునీల్ శెట్టి, ఉపేంద్ర కీల‌క పాత్రల్లో న‌టిస్తున్నారు. న‌దియా మ‌రో ముఖ్యపాత్ర పోషిస్తున్నారు.