Don Seenu: రవితేజ నటించిన డాన్ శీను సినిమా మిస్ చేసుకున్న హీరోలు ఎవరో తెలుసా?

Don Seenu: మాస్ మహారాజ రవితేజ హీరోగా నటించిన సినిమాలలో డాన్ శీను సినిమా ఒకటి. ఈ సినిమా ద్వారా డైరెక్టర్ గోపీచంద్ మలినేని ఇండస్ట్రీకి పరిచయమయ్యారు.ఈ సినిమాతో ఎంతో మంచి హిట్ అందుకున్నటువంటి రవితేజ అనంతరం గోపీచంద్ డైరెక్షన్లో మరో రెండు సినిమాలు చేశారు. ఈ సినిమాలు కూడా సూపర్ హిట్ అవడంతో వీరిద్దరి కాంబినేషన్ హిట్ కాంబినేషన్ గా పేరు సంపాదించుకుంది.

ఇకపోతే డాన్ శీను సినిమాలో ముందుగా నటించే అవకాశం రవితేజకు రాలేదని ఈ సినిమాకు ఈయన పస్ట్ ఛాయిస్ కాదని తాజాగా గోపీచంద్ ఓ సందర్భంలో వెల్లడించారు. ముందుగా ఈ సినిమా కోసం ప్రభాస్ నుసంప్రదించగా అప్పటికే ఆయన డార్లింగ్ మిస్టర్ పర్ఫెక్ట్ వంటి సినిమా షూటింగ్ పనులతో బిజీగా ఉన్నారు అలాగే ఆయన నటించిన బుజ్జిగాడు సినిమా కూడా ఇదే కోవకు చెందినది కావడంతో ఈ సినిమాను ప్రభాస్ రిజెక్ట్ చేసిన్నట్లు తెలుస్తోంది.

ఇకపోతే ప్రభాస్ ఈ సినిమాకి నో చెప్పడంతో డైరెక్టర్ గోపిచంద్ మలినేని హీరో గోపీచంద్ వద్దకు వెళ్లారు. ఇక ఈయన కూడా అప్పుడు వాంటెడ్,గోలీమార్ వంటి సినిమాలతో బిజీగా ఉన్నారు. అయితే డేట్స్ అడ్జస్ట్ కానీపక్షంలో గోపీచంద్ ఈ సినిమాని వదులుకున్నారని తెలుస్తోంది.ఇలా ఈ సినిమాకు ఇద్దరు హీరోలు రిజెక్ట్ చేయడంతో మరింత ఆలస్యం చేస్తే బాగుండదని భావించిన గోపీచంద్ ఈ సినిమా కథను రవితేజకు వినిపించారని తెలియజేశారు.

Don Seenu: 77 రోజులలోనే షూటింగ్ పూర్తి…

ఈ సినిమా కథ విన్నటువంటి రవితేజ వెంటనే సినిమాకు ఓకే చెప్పడంతో కేవలం 77 రోజులలోనే ఈ సినిమా షూటింగ్ పూర్తి చేసి ప్రేక్షకుల ముందుకు తీసుకువచ్చామని ఈ సందర్భంగా గోపీచంద్ మలినేని తెలియజేశారు. ఇలా రవితేజతో తన జర్నీ డాన్ శీను తో ప్రారంభమైందని తర్వాత బలుపు, క్రాక్ వంటి సూపర్ హిట్ సినిమాలను కూడా చేసి మంచి సక్సెస్ అందుకున్నారు.