Duniya Vijay : చిన్న ఆర్టిస్ట్ గా మొదలై సూపర్ స్టార్ గా ఎదిగిన దునియా విజయ్…!

Duniya Vijay : కన్నడ చిత్ర సీమలో చిన్న చిన్న పాత్రలు చేస్తూ హీరోగా ఎదిగిన బి ఆర్ విజయ్ తన కష్టంతో ఎదిగిన సూపర్ స్టార్. కర్ణాటకలోని కుంభర్నహల్లి అనే గ్రామంలో జన్మించిన విజయ్ బెంగళూరులో చదువుకున్నాడు. చిన్నప్పటి నుండి సినిమాల మీద ఆసక్తి ఎక్కువగా ఉన్న విజయ్ తండ్రి జోబులోని డబ్బులను కొట్టేసి సినిమాలను చూసేవాడు. ఒక్కోసారి తండ్రికి దొరికి పోయి దెబ్బలను కూడా తినేవాడట, అందుకే తండ్రి అంటే విజయ్ కి చాలా భయమట. ఇక విజయ్ చిన్న క్యారెక్టర్ తో సినిమాల్లో తన ప్రస్థానం మొదలు పెట్టి ‘దునియా’ సినిమాలో హీరోగా చేసి ఆ సినిమా పేరునే ఇంటి పేరుగా మార్చుకున్నాడు.

రెండు పెళ్లిళ్లు.. ముగ్గురు పిల్లలు…

దునియా విజయ్ గా కన్నడ ప్రజల ప్రేమ అందుకున్న విజయ్ మొదట అసిస్టెంట్ డైరెక్టర్ గా చేరి ‘రంగ ఎస్ఎల్సి’ అనే సినిమాలో చిన్న క్యారెక్టర్ చేసాడు. అందులో మంచి పేరు తెచ్చుకున్న విజయ్ జోగి, రిషి, డియడ్లీ సోమా వంటి సినిమాల్లో చిన్న పాత్రలు చేసి క్యారెక్టర్ ఆర్టిస్ట్ గా మంచి గుర్తింపు తెచ్చుకున్నాడు. ఆపైన తన ఫ్రెండ్స్ తీసిన ‘దునియా’ సినిమాలో అనూహ్యంగా హీరోగా ఎంట్రీ ఇచ్చి సూపర్ హిట్ అందుకుని ఎన్నో అవార్డులు కూడా అందుకున్నారు.

హీరోగా ఎన్నో సూపర్ హిట్స్ అందుకున్న విజయ్ మొదట నాగరత్న ను పెళ్లి చేసుకొని 14 ఏళ్ల తరువాత విడాకులు తీసుకుని మళ్ళీ కీర్తి పట్టడి అనే మరో మహిళను ప్రేమించి పెళ్లి చేసుకున్నారు. మొదటి భార్యకు ఇద్దరు అమ్మాయిలు కాగా రెండో భార్యతో ఒక మగపిల్లాడు విజయ్ కి ఉన్నారు. ప్రస్తుతం కన్నడలో హీరోగా మంచి సినిమాలను చేస్తున్న విజయ్ ఇటు తెలుగులో ‘వీర సింహ రెడ్డి’ లో ముసలిమడుగు ప్రతాప్ రెడ్డిగా తెలుగు ప్రేక్షకులను అలరించాడు. దీంతో తెలుగులోను మంచి అవకాశాలను అందుకుంటున్నారు.