నాగ చైతన్య కోట్ల విలువ చేసే లగ్జరీ బైకులు, కార్ల కలెక్షన్ చూస్తే నోరేల్లబెట్టాల్సిందే..!

అక్కినేని నాగచైతన్య.. చాలా సెలెక్టివ్ గా సినిమాలు చేస్తూ ఉంటాడు ఈ అక్కినేని హీరో. యూత్ లో తనకంటూ ప్రత్యేకమైన ఫాలోయింగ్ ఏర్పరుచుకున్న ఈ యువసామ్రాట్ కు కార్లు, స్పోర్ట్స్ బైకులంటే విపరీతమైన ఇష్టం. ఫెరారీ నుండి మెర్సిడెస్ వరకు ఈ అక్కినేని హీరో ఇంటి గ్యారేజీలో భారీ కలేక్షనే దాగుంది. మార్కెట్లోకి కొత్తగా ఏ స్పోర్ట్స్ బైకు వచ్చినా అతని మనసు దోచిందంటే చాలు ఆ వెంటనే దాన్ని తన గెరేజ్ లో ప్రత్యక్షమవ్వాల్సిందే. ఈ నేపద్యంలో అక్కినేని నాగ చైతన్య దగ్గర లగ్జరీ బైకులు, కార్ల కలెక్షన్‌ భారీగానే ఉంది. మరి ఇంకేంటి ఆలస్యం చైతూ దగ్గరున్న ఆ ఖరీదైన వాహనాలేంటో? వాటి ఖరీదెంతో చూసేద్దాం..

BMWR9T: చైతూ దగ్గరున్న అత్యంత ఖరీదైన బైకుల్లో BMWR9T ఒకటి. 2014లో లాంచ్‌ అయిన ఈ బైక్‌ను చైతన్య సుమారు రూ.19 లక్షలు ఖర్చు చేసి మరీ తన సొంతం చేసుకున్నాడు. దీనిపై సమంతతో మరీ రోడ్ల మీద పలు మార్లు చక్కర్లు కొడుతూ మీడియా కంటపడ్డాడు కూడా.

Triumph Thruxton R bike: చైతన్య రేస్ బైక్‌లను ఎంతగా ఇష్టపడతాడో అతని ఖరీదైన బైకుల చుస్తే ఇట్టే అర్ధమయిపోతుంది. సుమారు 13 లక్షల విలువైన ఈ రేసర్ బైక్ Triumph Thruxton R Bike అతని సొంతం.

Ferrari F 430: అసలు మార్కెట్ లో ఈ కారుకు క్రేజే వేరు. జాన్‌సేన నుంచి బాలీవుడ్‌ నటుడు సంజయ్‌ దత్‌ వరకు Ferrari F 430 రెడ్ బ్యూటీ కారుకు భారీ ఫాలోయింగే ఉంది.. ఈ కారు ధర రూ.1.75 కోట్లు.. చైతూ దగ్గర ఉన్న లగ్జరీ కార్ల కలెక్షన్ లో ఇది కూడా ఒకటి.

Mercedes Benz G-Class G63: నాగ చైతన్య వద్ద ఉన్న ఈ మెర్సిడిస్‌ బెంజ్‌ కారు ఖరీదు సుమారు కోటి రూపాయలు ఉంటుందట. చై తో పాటూ టాలీవుడ్ స్టార్ రామ్‌ చరణ్‌లతో పాటు బాలీవుడ్ నటుడు రణ్‌బీర్‌ కపూర్‌, టీమ్ ఇండియా క్రికెటర్ హార్దిక్‌ పాండ్యా వద్ద కూడా ఈ కారును సొంతం చేసుకున్నవాల్లలో ఉన్నారు.

MV Agusta F4: నాగ చైతన్య వద్దనున్న లగ్జరీ బైకులలో ఆయన ఫేవరెట్‌ MV Agusta F4. ఈ బైకు ధర సుమారు రూ.26 నుంచి రూ.35 లక్షల మధ్య ఉంటుంది. ఈ బైకు పై చై షికార్లు చేస్తూ చాలా సార్లు మీడియా కంట పడ్డాడు.

అయితే వీటితో పాటు యమహా YZFR1 స్పోర్ట్స్ బైక్‌ మరియు హోండా స్పోర్ట్స్‌ బైక్‌ తో సహా మరిన్ని చై గ్యారేజీలో ఉన్నట్లు తెలుస్తోంది.