అనిల్ రావిపూడి బ్రాండ్ ఒక్క సినిమాతో చెదిరిపోయిందా..!!!

తొలి సినిమా పటాస్ నుంచి మంచి పేరు ప్రఖ్యాతలు సంపాదించుకుంటూ ముందుకు వెళ్తున్నాడు అనిల్ రావిపూడి.. సరిలేరు నీకెవ్వరూ సినిమా తో స్టార్ కమర్షియల్ డైరెక్టర్ గా మారాడు అనిల్ రావిపూడి. టాలీవుడ్ లో వరుసగా నాలుగు సినిమాలు చేసి హిట్ కొట్టిన దర్శకులు చాలా తక్కువ గా ఉన్నారు. అందులో ఒకరు అనిల్ రావిపూడి. తొలి సినిమా హిట్ కాగానే డైరెక్టర్స్ రెండో సినిమాతోనే తుస్ మనిపిస్తారు. కానీ సినిమా సినిమా కి ఎదుగుతూ ఒదిగి మళ్ళీ మళ్ళీ హిట్ కొడుతున్నాడు అనిల్ రావిపూడి..ప్రస్తుతం అయన దర్శకత్వంలో F3 సినిమా తెరకెక్కుతున్న విషయం తెలిసిందే.

ఈ విషయాన్నీ సినిమా పోస్టర్ ని రిలీజ్ చేసి మరీ అధికారికంగా ప్రకటించేశారు. వెంకటేష్, వరుణ్ తేజ్ నటించిన F2 ఎంత పెద్ద హిట్ అయ్యిందంటే ఫామిలీ ప్రేక్షకులకు ఈ సినిమా విపరీతంగా నచ్చేసింది. దీని సీక్వెల్ F3 పైన కూడా మరిన్ని అంచనాలు ఉన్నాయి.. ఇకపోతే గాలిసంపత్ ఇటీవలే ప్రేక్షకులముందుకు వచ్చింది. ఈ సినిమా కు స్క్రీన్ ప్లే, మాటలు అందించడంతో పాటు దర్శకత్వ పర్యవేక్షణ కూడా చేశాడు. ఈ చిత్రానికి సమర్పకుడు కూడా అతనే.

ఒక రకంగా చెప్పాలంటే ఈ సినిమాకు అన్నీ అనిల్ రావిపూడినే.ఈ చిత్రానికి అనిల్ మిత్రుడైన కృష్ణ కథ అందించడమే కాదు.. పెట్టుబడి పెట్టి నిర్మించాడు కూడా. పేరుకు ఈ చిత్రానికి దర్శకుడు అనీష్ కృష్ణ కానీ.. మొత్తం అనిల్ చేతుల మీదుగానే నడిచింది. ఈ సినిమాను విజయవంతం చేసిన తన బ్రాండును పెంచుకోవాలని అనిల్ అనుకున్నాడు. కానీ ‘గాలి సంపత్’ అనిల్‌కు ఉన్న పేరును చెడగొట్టేసింది. ఈ సినిమా చూసిన వాళ్లంతా మంచి కథను అనిల్ చెడగొట్టేశాడనే అభిప్రాయాన్ని వ్యక్తం చేస్తున్నారు. హృద్యంగా తీయాల్సిన కథను అనిల్ తాను తీసే కమర్షియల్ సినిమాల స్టయిల్లోనే డీల్ చేయడంతో సినిమా ఆరంభంలోనే పట్టాలు తప్పేసింది. అంటున్నారు..