God Father: ప్రస్తుత కాలంలో మల్టీస్టారర్ సినిమాలు ఎక్కువగా వస్తున్నాయి. అయితే సౌత్ హీరోలు నటించే సినిమాలలో బాలీవుడ్ హీరోలు గెస్ట్ పాత్రలలో నటించగా బాలీవుడ్ హీరోల సినిమాలలో సౌత్ సెలబ్రిటీలు గెస్ట్ పాత్రలలో సందడి చేస్తున్నారు. ఈ క్రమంలోనే మెగాస్టార్ చిరంజీవి మోహన్ రాజా దర్శకత్వంలో నటించిన చిత్రం గాడ్ ఫాదర్. ఈ సినిమా అక్టోబర్ 5వ తేదీ ప్రేక్షకుల ముందుకు రాబోతోంది.

ఈ సినిమా విడుదల తేదీ దగ్గర పడటంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.ఈ ప్రమోషన్ కార్యక్రమాలలో భాగంగా తాజాగా ముంబైలో జరిగిన ట్రైలర్ లాంచ్ కార్యక్రమంలో భాగంగా బాలీవుడ్ నటుడు సల్మాన్ ఖాన్ పాల్గొన్న విషయం మనకు తెలిసిందే. ఈ సినిమాలో సల్మాన్ ఖాన్ అతిధి పాత్రలో సందడి చేయనున్నారు.ఇక ఈ సినిమా కథ వినగానే తాను ఏమాత్రం ఆలోచించకుండా ఈ సినిమాలో నటించడానికి ఒప్పుకున్నాను అంటూ సల్మాన్ ఖాన్ తెలియజేశారు.

ఇకపోతే సల్మాన్ ఖాన్ ఈ కార్యక్రమంలో మాట్లాడుతూ ప్రస్తుతం సినిమా ఇండస్ట్రీకి మల్టీ స్టార్ సినిమాలు ఎంతో అవసరం అని తెలిపారు. అయితే ప్రస్తుతం ఇండస్ట్రీలో 300 _400కోట్ల బిజినెస్ వరకు మాత్రమే ఆలోచిస్తున్నారు కానీ మల్టీ స్టార్ సినిమాలు చేస్తే ఈ బిజినెస్ మరింత పెరిగే అవకాశం ఉందని సల్మాన్ ఖాన్ వెల్లడించారు.

God Father: మల్టీ స్టార్ సినిమాలు ఇండస్ట్రీకి ఎంతో అవసరం..

చిరంజీవి అభిమానులు నన్ను ఆదరించి నా అభిమానులు చిరంజీవిని ఆదరిస్తే పెద్ద అభిమాన లోకం అవుతుందని, ఇద్దరం కలిసి నటిస్తే మూడు వేల కోట్ల బిజినెస్ చేయవచ్చు అంటూ ఈ సందర్భంగా సల్మాన్ చేసినటువంటి కామెంట్స్ సోషల్ మీడియాలో వైరల్ అవుతున్నాయి.ఇక నార్త్ సౌత్ సెలెబ్రిటీలు కలిసిన నటించడం వల్ల సినిమా ఇండస్ట్రీకి ఎంతో ప్లస్ పాయింట్ అవుతుందని ఇది ఇండియన్ సినిమా అంటూ ఈ సందర్భంగా సల్మాన్ ఖాన్ చేసిన ఈ కామెంట్స్ నెట్టింట వైరల్ అవుతున్నాయి.