God Father movie review : మెగాస్టార్ మాస్ ఎంటర్టైనర్ నచ్చిందా… చిరుకి దసరా పండుగ కలిసోచ్చిందా.. లేదా..!

God Father movie review : మెగాస్టార్ చిరంజీవి చాలా రోజులకు ‘ఖైదీ నెంబర్ 150’ సినిమాతో ప్రేక్షకులను అలరించారు. అయితే ఆ తరువాత వచ్చిన ‘సైరా’ అంతగా ఆకట్టుకోలేదు. ఇక ఈ మధ్య వచ్చిన ‘ఆచార్య’ ఏకంగా చిరుని భయపెట్టేసింది. రామ్ చరణ్, చిరంజీవి కలిసి నటించిన ఆచార్య సినిమా దారుణంగా డిజాస్టర్ అయింది. ఇక ఆచార్య ఫలితంతో మెగా అభిమానులు ‘గాడ్ ఫాదర్’ సినిమా మీద గంపెడు ఆశలతో ఉన్నారు. గాడ్ ఫాదర్ సినిమా మోహన్ లాల్ నటించిన మలయాళం సినిమా ‘లూసిఫర్’ రీమేక్ గా తెరకెక్కిన ఈ సినిమా దసరా కనుకగా అక్టోబర్ 5న విడుదల అయింది. సినిమా విదేశాల్లో అపుడే రిలీజ్ అవడం వల్ల ట్విట్టర్ లో ప్రేక్షకుల రివ్యూలు వచ్చేసాయి.

గాడ్ ఫాదర్ తో బాస్ ఇస్ బ్యాక్ ..??

ఆకలితో ఉన్న వ్యక్తి కి బిర్యానీ దొరికినట్లు ఆచార్య తో నిరాశలో ఉన్న మెగా అభిమానులకు గాడ్ ఫాదర్ బిర్యానీలా దొరికిందని చెప్పొచ్చు. మెగాస్టార్ ని మాస్ హీరోగా ఎలివేట్ చేసి డైరెక్టర్ సక్సెస్ అయినట్లే. చిరు తో పాటు బాలీవుడ్ కండల వీరుడు సల్మాన్ ఖాన్ తెలుగులో ఈ సినిమాతో ఎంట్రీ ఇచ్చారు. ఇక లూసిఫర్ సినిమా తెలుగులో కూడా డబ్ అవడం వల్ల ఆల్రెడీ సినిమా కథ ఏంటి అనేది అందరికీ తెలుసు. అయితే సినిమాలో చిరుని ఎలా చూపించాడు, మన తెలుగు నేటివిటీ కి తగ్గట్టు కథను డైరెక్టర్ మలిచాడా ప్రేక్షకులకు నచ్చిందా అన్నదే పాయింట్. మెగాఫ్యాన్స్ కి సినిమా పండగ అనే చెప్పాలి.

పొలిటికల్ ఎంటర్టైనర్ గా వచ్చిన సినిమాలో కమర్షియల్ ఎలిమెంట్స్ ఉండటం వల్ల మెగాస్టార్ అభిమానులకు నచ్చితుంది. అయితే కామన్ ఆడియన్స్ కి సినిమా ఫస్ట్ హాఫ్ ఓకే కానీ సెకండ్ హాఫ్ ల్యాగ్ అయ్యిందనే టాక్ వినిపిస్తోంది. అయితే ఫ్యాన్స్ మాత్రం పవన్ కళ్యాణ్ కి గబ్బర్సింగ్ ఎలానో చిరు కి గాడ్ ఫాదర్ అలాగ అంటున్నారు. అయితే సినిమాలో సల్మాన్ ఖాన్ క్యారెక్టర్ నిరాశ పరిచిందని అంటున్నారు. సల్మాన్ యాక్షన్ సన్నివేశాల్లో గ్రాఫిక్స్ వర్క్ బాగోలేదంటూ టాక్ వినిపిస్తోంది. అయితే క్లైమాక్స్ మాత్రం అదిరిపోయిందంటూ టాక్. ఇక నయనతార, సత్యదేవ్ పర్వాలేదనిపించారు. అయితే సినిమా ఒకసారి చూడొచ్చు అంటూ కామన్ ఆడియన్స్ అంటుంటే చిరు ఫ్యాన్స్ మాత్రం సినిమా సూపర్ అంటున్నారు.