Ramcharan: షూటింగ్ కు వెళ్లడం బోరింగ్..! అదొక్కటే కాదు క్రమశిక్షణ కూడా ముఖ్యమే..!

Ramcharan: స్టార్ ప్రొడ్యూసర్ దిల్ రాజు ఫ్యామిలీ నుంచి వస్తున్న హీరో ఆశిష్. ఈయన నటిస్తున్న తొలి సినిమా ’రౌడీ బాయ్స్’. అందాల తార అనుపమ పరమేశ్వరన్ హీరోయిన్ గా, శ్రీహర్ష కొనుగంటి దర్శకత్వంలో తెరకెక్కిన చిత్రం ‘రౌడీ బాయ్స్’. అనిత సమర్పణలో ‘దిల్’ రాజు, శిరీష్ నిర్మించిన ఈ చిత్రం శుక్రవారం విడుదలవుతోంది.

దిల్ రాజు కుటుంబం నుంచి హీరోగా వస్తుండటంతో  ఈ సినిమాపై మంచి అంచనాలే ఉన్నాయి. దీనికి తోడు దేవీ శ్రీ ప్రసాద్ అందించిన మ్యూజిక్ కూడా ఆకట్టుకునేలా ఉంది. ఇదిలా ఉంటే తాజాగా బుధవారం హైదరాబాద్లో జరిగిన ‘రౌడీ బాయ్స్ మ్యూజికల్ ఈవెంట్’లో మెగా పవర్ స్టార్ రామ్ చరణ్ తేజ్ ముఖ్య అతిథిగా వచ్చారు.

ఈ సందర్భంగా ఆయన కీలక వ్యాఖ్యలు చేశారు. ఇండస్ట్రీలో టాలెంట్ ముఖ్యం కాదని.. దాని కన్నా ముఖ్యం క్షమశిక్షణ అని అన్నారు. మా నాన్న చిరంజీవి డ్యాన్స్, ఫైట్స్, యాక్టింగ్ నేర్పించలేదని.. అంతకన్నా ముఖ్యమైన క్రమ శిక్షణని నేర్పించాడని అన్నారు.

ట్రిపుల్ ఆర్ సినిమా విడుదల వాయిదాతో..

రాజు, లక్ష్మణ్ గార్లు ఉండటం వల్లనో .. నేను, మహేశ్ బాబు, ప్రభాస్ సపోర్ట్ చేయడం వల్లనో గొప్ప స్థాయి రాదు.. నీ కష్టమే నిలబెడుతుందని ఆశిష్ గురించి అన్నారు. రోజూ వర్క్ అవుట్ చేయడం, షూటింగ్ కు వెళ్లడం బోరింగ్ ఉంటుందని కానీ.. ప్రస్తుతం స్టార్లుగా ఉన్నవాళ్లంతా ఇదంతా చేసే వచ్చారని తెలిపారు. అనుపమా మంచి నటి అని రామ్ చరన్ కొనియాడారు. ఇదిలా ఉంటే తన ట్రిపుల్ ఆర్ సినిమా విడుదల వాయిదా పడటంపై రామ్ చరణ్ స్పందించారు. మూడేళ్ల కష్టపడి చేసిన సినిమా అని.. సరైన సమయంలోనే రావాలని రామ్ చరణ్ అన్నారు. ఎప్పుడు రావాలనే అంశాన్ని దానయ్య, రాజమౌళి నిర్ణయిస్తారని తెలిపారు. ‘ రౌడీ బాయ్స్ ’ సినిమాకు ఆల్ ది బెస్ట్ చెప్పారు రామ్ చరణ్.