షుగర్ ఉంటే గ్రీన్ టీ తాగొచ్చా.. ఆరోగ్యానికి మంచిదా?

ప్రపంచంలో ఎక్కువ మంది బాధపడే సమస్యలలో మధుమేహ సమస్య ఒకటి. రోజురోజుకు మధుమేహంతో బాధపడే వారి సంఖ్య అధికమవుతుంది. ఈ క్రమంలోనే మన శరీరంలో చక్కెర స్థాయిలను తగ్గించుకోవాలంటే చాలామంది వారి ఆహారంలో ఎన్నో నియమాలను పాటిస్తూ ఉంటారు. ఇందులో భాగంగానే తీయని పదార్థాలు తగ్గించడం. కాఫీ టీ లను తగ్గించడం వంటివి చేస్తుంటారు. కాఫీ లేదా టీ లను అధికంగా తాగడం వల్ల శరీరంలో చక్కెర స్థాయిలు పెరిగిపోతాయని భావన ఉండటం వల్ల పూర్తిగా కాఫీ టీలను పక్కన పెడుతుంటారు. ఈ క్రమంలోనే షుగర్ వ్యాధితో బాధపడే వారు గ్రీన్ టీ తాగవచ్చా? ఇది తాగడం వల్ల ఆరోగ్యానికి ఎలాంటి ప్రమాదకరం ఉండదా? అనే సందేహాలు తలెత్తుతుంటాయి.

షుగర్ తో బాధపడేవారికి గ్రీన్ టీ ఒక మంచి పానీయం అని చెప్పవచ్చు. ప్రతిరోజు మూడు కప్పులు గ్రీన్ టీ తాగడం వల్ల మన శరీరంలో చక్కెర స్థాయిలను నిలకడగా ఉంచడమే కాకుండా మరిన్ని ఆరోగ్య ప్రయోజనాలను పొందవచ్చని నిపుణులు చెబుతున్నారు. ఇందులో అధికభాగం యాంటిఆక్సిడెంట్స్ ఉండటం వల్ల ఇవి మన శరీరానికి పూర్తిస్థాయిలో రక్షణ కల్పిస్తాయి. అదేవిధంగా మన శరీరంలో ఉన్నటువంటి ఫ్రీరాడికల్స్ ను బయటకు పంపించడంలో యాంటీఆక్సిడెంట్లు దోహదపడతాయి.

ఈ గ్రీన్ టీ తాగటం వల్ల మన శరీరంలో ఇన్సులిన్ సెన్సిటివిటీ పెరుగుతుంది. ఈ క్రమంలోనే టైప్ 2 డయాబెటిస్ వల్ల వచ్చే సమస్యలు పూర్తిగా తగ్గుతాయని నిపుణులు తెలియజేస్తున్నారు.కనుక మధుమేహ సమస్యతో బాధపడేవారు గ్రీన్ టీ నిస్సంకోచంగా తాగ్గొచ్చని చెప్పవచ్చు.

గ్రీన్ టీ తాగటం వల్ల కేవలం మన శరీరంలో చక్కెర స్థాయిలను నిలకడగా ఉంచడమే కాకుండా, అధిక రక్తపోటు గుండె సమస్యలను దరిచేరనివ్వదు. అదేవిధంగా మన శరీరంలో పేరుకుపోయిన చెడు కొలెస్ట్రాల్ ని మొత్తం కరిగిస్తుంది. గ్రీన్ టీ లో అధిక భాగం యాంటీఆక్సిడెంట్స్ ఉండటం వల్ల ఇది మన శరీరంలో రోగనిరోధక శక్తిని పెంపొందించడానికి దోహదపడుతుంది.