తలతో 46 టాయిలెట్లు బద్దలుకొట్టాడు.. చివరికి?

ఒకప్పుడు కార్లను చేతుల మీదకు ఎక్కించుకోవడం, ఒట్టి చేతులతో ఇటుకలు, రాళ్లు, కొబ్బరి బోండాలు పగలగొట్టడం,తాళ్ల సహాయంతో నోటి ద్వారా వాహనాలను లాగడం వంటి సాహసాలు ఎక్కువగా ట్రెండ్ అయ్యేవి. కానీ ప్రస్తుతం మాత్రం టాయిలెట్ సీట్లను బద్దలు కొట్టడం ట్రెండ్ గా మారింది. టాయిలెట్ సీట్లను బద్దలు కొట్టడం అంటే కర్రతోనో చేతితోనో కాదండోయ్.. తలతో బద్దలు కొట్టాలి. ప్రస్తుతం ఇదే ట్రెండ్ నడుస్తోంది.

తాజాగా ఇద్దరు వ్యక్తులు టాయిలెట్ పై ఉన్న సీట్లను తలతో బద్దలుకొట్టి గిన్నిస్ బుక్ రికార్డు సొంతం చేసుకున్నారు. గిన్నిస్ వరల్డ్ బుక్ లోరికార్డు సొంతం చేసుకోవడం కోసం ఇద్దరు వ్యక్తులు పోటా పోటీ పడి మరీ టాయిలెట్ సీట్లను తలతో పగలగొట్టారు. ఈ ఘటనకు సంబంధించిన వీడియో గిన్నీస్ వరల్డ్ రికార్డ్సకు చెందిన ఫేస్‌బుక్ పేజీలో పోస్ట్ చేసిన ఈ వీడియో ఇప్పుడు సోషల్ మీడియాలో వైరల్‌గా మారింది.

ఈ సందర్భంగా ఎవరు ఎక్కువ టాయిలెట్ సీట్లను తలతో బద్దలు కొడతారో వారే విజేత.ఈ పోటీని గిన్నీస్ బుక్ రికార్డుల్లో కూడా నమోదవుతుంది. దీంతో పోటీ మహా రంజుగా సాగింది. పోటీలో భాగంగా చెక్కతో తయారుచేసిన టాయిలెట్ సీట్లను తలతో బద్దలు కొట్టాలి. ఇందులో భాగంగానే మొదటి వ్యక్తి తల తో ఏకంగా43 టాయిలెట్ సీట్లను పగలగొట్టగా, రెండవ వ్యక్తి ఏకంగా 46 టాయిలెట్ సీట్లను పగలగొట్టి విజయం సాధించాడు. ఈ విధంగా రెండవ వ్యక్తి గిన్నిస్ వరల్డ్ రికార్డును సొంతం చేసుకున్నారు. మరి ఈ సాహసానికి సంబంధించిన ఈ వీడియో ప్రస్తుతం సోషల్ మీడియాలో వైరల్ గా మారింది. మరి ఇంకెందుకు ఆలస్యం ఈ సాహస వీడియో పై మీరు ఓ లుక్కేయండి.