ఆ అనుభవం కోసం మాంసాన్ని అలా చేసి తింటున్నారు.. ఎక్కడంటే?

ప్రస్తుత కాలంలో చాలా మంది ఉదయం చేసిన ఆహారాన్ని సాయంత్రం తినాలంటే ఎంతో ఇబ్బంది పడుతుంటారు. మరికొందరైతే ఏ పూటకాపూట ఫ్రెష్ గా తయారు చేసుకొని తింటుంటారు. ఈ విధంగా తమ ఆహార విషయంలో ఎన్నో జాగ్రత్తలు పాటిస్తూ ఉంటారు. కానీ ఈ మధ్య కాలంలో కొంతమంది మాంసాన్ని కుళ్ళు పెట్టుకొని మరీ తింటున్నారు. వినడానికి ఎంతో చిరాగ్గా అనిపించినా ఈ విధమైన మాంసం తినడం వల్ల వారికి ఎంతో కిక్ ఎక్కుతుందని, ఆ అనుభూతిని మాటల్లో చెప్పలేమని తెలుపుతున్నారు.

సాధారణంగా కుళ్ళిన మాంసం అంటే రెండు మూడు రోజులు పాటు కుళ్ళి పెట్టినది కాదు. కొన్నేళ్ల పాటు కుళ్ళి పెట్టిన మాంసాన్ని తినడం ద్వారా ఆ మాంసం రుచి అన్నిటికంటే ఎంతో భిన్నంగా ఉండటమే కాకుండా,కొకైన్, మారిజోనా, ఎల్‌ఎస్డీ వంటి డ్రగ్స్ ఏ విధంగా మత్తెక్కి ఇస్తాయో ఆ విధమైనటువంటి అనుభూతిని కుళ్ళిన మాంసం ఇస్తుందని తెలిపారు.ఈ అనుభూతిని పొందడం కోసమే మాంసాన్ని కుళ్ళు పెట్టుకొని తింటున్నారు.

ఈ విధంగా కుళ్ళిన ఆహారం ప్రస్తుత కాలంలోది కాదు 2017 వ సంవత్సరంలోనే . ‘sv3ige’ అనే యూట్యూబర్ తొలిసారిగా ఏడాది కిందట నిల్వ ఉంచిన మాంసాన్ని తిని ఆశ్చర్యపరిచాడు. అయితే ఈ వీడియో అక్కడితో ఆగి పోయిన మరికొందరు మాత్రం ఈ వీడియోని షేర్ చేస్తూ ట్రెండ్ చేస్తున్నారు.తాజాగా ట్విట్టర్ యూజర్ కూడా ఈ విధంగా కుళ్ళిన మాంసం తిని తన అనుభూతిని సోషల్ మీడియా ద్వారా షేర్ చేసుకున్నారు.ఈ సందర్భంగా ఒక యూజర్ కుళ్ళిన మాంసం తినడం వల్ల నీకు ఏ విధమైనటువంటి ఆరోగ్య సమస్యలు లేవా? అని ప్రశ్నించగా అందుకు అతను తనకు ఎలాంటి సమస్య ఎదురుకాలేదు అని తెలిపాడు.

ఈ విధంగా ఏడాదిపాటు కుళ్ళు పెట్టిన మాంసాహారం తినడం వల్లవారికి అనుభూతి కలగడం ఏమో కానీ ఈ మాంసం పై అనేక సూక్ష్మ జీవులు, బ్యాక్టీరియాలు పెరిగి తీవ్రమైన అనారోగ్యానికి గురి చేస్తుందని నిపుణులు చెబుతున్నారు. కనుక ఎవరు కూడా ఈ విధమైనటువంటి ప్రయత్నాలు చేయవద్దని నిపుణులు హెచ్చరిస్తున్నారు.