Gummadi Sharada : గుమ్మడి గారు చనిపోడానికి కారణం అదే… పెరాలసిస్ వచ్చి మాట పోయింది… గుండెకి ఏమైందంటే…: గుమ్మడి గారి కూతురు శారద

Gummadi Sharada : అప్పటి సినిమా హీరోలకు తండ్రి పాత్రలో ఎక్కువగా కనిపించి ఆయన కన్నా వయసులో పెద్ద హీరోలకు తండ్రిగా నటించి పేరు తెచ్చికున్న నటుడు గుమ్మడి వెంకటేశ్వరరావు గారు. గుంటూరు జిల్లాకు చెందిన ఆయన చదువుకునే సమయంలోనే నాటకాల మీద మక్కువతో నాటకాలు వేసేవారు. ఆ తరువాత సినిమాల్లో నటించడానికి మద్రాస్ వెళ్లి అవకాశాల కోసం ప్రయత్నంచారు. ఇక మొదట్లో అంతగా అవకాశాలు రాకపోయినా ఆ తరువాత క్యారెక్టర్ ఆర్టిస్ట్ గా ఎక్కువ సినిమాల్లో అవకాశాలు వచ్చాయి. సుమారు 500 లకు పైగా సినిమాల్లో నటించిన ఆయన గురించిన వివరాలను ఆయన కూతురు గుమ్మడి శారద గారు వివరించారు.

పెరాలసిస్ తో బాధపడ్డారు…

నటుడుగా కెరీర్ పీక్స్ లో ఉండి ఎన్నో సినిమాల్లో నటిస్తూ ఉన్న సమయంలోనే గుమ్మడి గారికి మైల్డ్ పెరాలసిస్ రావడంతో మందులు వాడటం వల్ల స్వరపేటీక దెబ్బ తిని మాట పడిపోయిందట. మళ్ళీ మాట రావడానికి కొన్ని నెలల సమయం పట్టిందని ఆ తరువాత మళ్ళీ సినిమాలలో నటించారని గుమ్మడి గారి అమ్మాయి శారద వివరించారు. ఇక ఆయన పెరాలసిస్ తో బాధపడుతున్న సమయంలోనే గుండె బలహీన పడటంతో ఆ తరువాత రోజుల్లో ఓపెన్ హార్ట్ సర్జరీ చేయించాల్సి వచ్చిందని తెలిపారు శారద.

అయితే గుండె బలహీన పడటంతో అయన మరణించారని కానీ ఆయన మరణించే వరకు కూడా చాలా సంతోషంగా ఉండేవారంటూ తెలిపారు. ప్రతిరోజు ఇంటికి గిరిబాబు, సత్యనారాయణ వంటి వారు ఎవరో ఒకరు వచ్చి కబుర్లు చెప్పేవారని, ప్రతిరోజూ ఇంట్లో ఎవరో ఒకరు నాన్నతో మాట్లాడుతూ అప్పటి నాటకాల్లోని పద్యాలను పడుతూ అలా కాలక్షేపం జరిగేదంటూ శారద చెప్పారు. ఒంటరితనం ఎపుడూ నాన్న గారికి లేదంటూ ప్రశాంతంగా ఆయన జీవితం సాగిందని వివరించారు.