Haripriya: కేజిఎఫ్ నటుడితో పెళ్లి పీటలు ఎక్కిన పిల్ల జమిందార్ హీరోయిన్ హరిప్రియ… వైరల్ అవుతున్న ఫోటోలు!

Haripriya: ఈ మధ్యకాలంలో సినిమా సెలబ్రిటీలు వరుసగా తాము ప్రేమించిన వ్యక్తులను పెళ్లి చేసుకొని కొత్త జీవితంలోకి అడుగుపెడుతున్నారు. ఇప్పటికే ఎంతోమంది తమ వివాహాలను అంగరంగ వైభవంగా జరుపుకున్నారు. అయితే గత ఏడాది డిసెంబర్ నెలలో ఎంతో ఘనంగా నిశ్చితార్థం జరుపుకున్న కేజీఎఫ్ నటుడు వశిష్ట సింహ పిల్ల జమిందార్ హీరోయిన్ హరిప్రియ వివాహం ఎంతో ఘనంగా జరిగింది.

ఇండస్ట్రీలో నటీనటులుగా ఎంతో బిజీగా గడుపుతున్నటువంటి వశిష్ట సింహం హరిప్రియ పలు తెలుగు కన్నడ సినిమాలలో నటిస్తూ బిజీగా ఉన్నారు. అయితే వీరిద్దరూ గత కొంతకాలంగా ప్రేమలో ఉంటూ వీరి ప్రేమ విషయాన్ని బయటపడకుండా జాగ్రత్తపడ్డారు.ఇక ఇద్దరు కూడా తమ ప్రేమ విషయాన్ని కుటుంబ సభ్యులకు తెలియజేయడంతో కుటుంబ సభ్యులు సైతం వీరి ప్రేమ వివాహానికి గ్రీన్ సిగ్నల్ ఇచ్చారు.

ఇలా పెద్దల అంగీకారంతో ఈ జంటగత ఏడాది డిసెంబర్ నెలలో ఎంతో ఘనంగా నిశ్చితార్థం జరుపుకున్నారు. ఈ క్రమంలోనే జనవరి 26వ తేదీ ఈ దంపతులు పెళ్లి చేసుకుని కొత్త జీవితంలోకి అడుగు పెట్టారు. ఇలావీరి పెళ్లికి పెద్ద ఎత్తున సినీ సెలెబ్రిటీలు హాజరై సందడి చేశారు. ఈ క్రమంలోని వీరి వివాహ ఫోటోలు సోషల్ మీడియాలో వైరల్ కావడంతో సెలబ్రిటీలు అభిమానులు ఈ దంపతులకు శుభాకాంక్షలు తెలియజేస్తున్నారు.

Haripriya: వైరల్ అవుతున్న పెళ్లి ఫోటోలు…

ఇక వివాహం తర్వాత నేడు బెంగళూరులో వీరు రిసెప్షన్ ఎంతో ఘనంగా నిర్వహించబోతున్నారు. ఈ క్రమంలోనే ఈ రిసెప్షన్ కి పలువురు సినీ సెలబ్రిటీలు కూడా హాజరుకానున్నట్టు తెలుస్తోంది. ఇలా వశిష్ట సింహం హరిప్రియ వైవాహిక జీవితంలోకి అడుగుపెట్టడంతో పలువురు శుభాకాంక్షలు తెలియజేస్తున్నారు. ప్రస్తుతం వీరి వివాహ ఫోటోలు నెట్టింట చెక్కర్లు కొడుతున్నాయి.